Qurylysy 2014 jyly bastalǵan kottedj qalashyǵyn salý úshin 8 mlrd teńgege jýyq bıýdjet qarjysy bólingen.
Turǵyn úıler 2019 jyldan bastap paıdalanýǵa berile bastady. Alaıda, memlekettik baǵdarlama arqyly baspanaǵa qol jetkizgen turǵyndardyń qýanyshy uzaqqa sozylmaı, kottedj qalashyǵyndaǵy úılerdiń sapasy syn kótermeıtini aıtyldy. Sodan beri "Bereke" ataýyn ıelengen shaǵyn aýdanǵa qatysty shý tolastaǵan joq.
Jaqynda máselege Jetisý oblysynyń prokýratýrasy aralasyp, kottedj qalashyǵyna bólingen qarjynyń ıegerilýi men qurylys sapasyna qatysty tekserý bastaǵan-dy. Nátıjesinde tergeý aıaqtalyp, is sotqa joldandy.
- Prokýrorlyq tekserýdi bastaýǵa buqaralyq aqparat quraldarynda birneshe ret qurylysy aıaqtalmaǵan úıler týraly jarııalanymdar sebep boldy. Qylmystyq isti tergeý sheńberinde merdiger keltirilgen zalaldy ótedi, onyń ishinde 36 úıdi óz qarajatyna saldy, - deıdi Jetisý oblysy prokýratýrasynyń ókili.
Sot úkimimen merdiger uıymnyń basshysy, qurylysty tehnıkalyq qadaǵalaýdy júzege asyratyn kompanııanyń jumyskerleri jáne tapsyrys berýshi - «Taldyqorǵan qalasynyń qurylys bólimi» MM-niń laýazymdy tulǵalary Qylmystyq kodekstiń 189-babynyń 4-bóligi, 361-baptyń 4-bóligi jáne 280-babynyń 1-bóligi boıynsha kináli dep tanylyp, sottaldy.
