Er tabysy elge ortaq

Osy aýylda eki myńynshy jyldary «Halyq» atty fermerlik qojalyq qu­ryldy. Kezindegi keńshardan bu­lar­­ǵa tıgeni 2 «Belarýs» traktory men 2 «Enıseı» kombaıny edi. Qoja­lyq­qa birikken 42 tútinniń adamdary­ tozyǵy jetken osy tehnıkany qol­da­ barmen jamap-jasqap egiske shy­ǵar­dy. Sol jyly aıtarlyqtaı ónim alyp, qatarǵa qosylyp sala berdi.

– Qazir qolda bar tehnıkanyń sa­ny 20-dan asady. О́nimdiligi jo­ǵa­ry Mag­don, Djon Dır sekildi zamanaýı­ túr­le­rin alatyn jaǵdaıǵa jettik. Osy­nyń bári eldiń birliginiń arqasy, – deı­di qo­ja­lyq basshysy Halyqberdi My­hanov.

Qazir 600-ge jýyq tútini bar aýyl­dyń 80 paıyzy osy sharýa­shy­lyqqa birikken. Sharýa­shy­lyq tó­r­aǵa­sy jyldaǵy paı úlesinen bó­lek aýyl aqsaqaldaryna qosymsha jemshóp jetkizip, áleýmettik demeý kúte­tin otbasylarǵa qoldaý kórsetip otyrady. Aýyldan bólek, aýdan orta­ly­ǵyndaǵy qaıyrymdylyq sharala­ry­nan syrt qalyp kórgen kezi joq. Biz sharýa­shy­lyq tóraǵasynyń talaılarǵa demeý bolyp, tirshilik kóshine ilesip ketýine sep bolǵanyn aýyl ákimi men ony kóp jyl­dardan beri biletinderden esti­dik. «Oń qolyńnyń bergenin sol qo­lyń kór­mesin» degendi ustanatyn aza­mat biz­ben bul taqyrypta sarań áńgi­me­le­sip, sırek málimetpen shektel­gen edi.

– Aýylda múmkindigi shekteýli 22 bala bar. Solardyń jańa jyl qar­sa­ńyn­da­ǵy syı-syıapatyn osy aǵa­myz jylda eshkim mindettemeı-aq taratyp shyǵady. Qosymsha tap­sy­ra­tyn azyq-túligi jáne bar. Jýyr­da aýyldyń ortalyq kóshesin qor­shaý­lap berdi. Tipti keıde syrttan kelip, kómek suraıtyndar kezdesedi. Shar­sh­a­p kelgen adamdy demep, shıratyp ji­be­retin sharýa adamy olardyń da kóńilin jyqqan emes. Naýqan qory­tyn­dysymen jyl saıyn úzdik shyq­qan­darǵa kólik mingizip, úı satyp alyp berip jatyr, – deıdi Kerdeli aýyldyq okrýginiń ákimi Ǵalymjan Yhanov.

Jalpy, aýylǵa ınvestor bolý ońaı emes. Qazir tirshiligi túzelip qalǵan aýyldardyń kópshiligi kezin­de­ talaı ótkelekten ótti. Tipti ja­ryl­qaımyz dep kelip, aýyldyń bar jerin bankke kepilge qoıyp, qal­ta­syn toltyryp ta­ıyp turǵandar da kezdeskeni ótirik emes. Mańdaı teri topyraqqa sińbegen osyndaı alaıaqtarǵa jem bolǵan jurttyń jan­aı­qaıyn talaı márte estidik te.

– О́zi qınalyp otyrǵan jurttyń qal­­tasyn qaǵyp ketken mundaı áre­ket­ti syrttan kelgender jasaıdy, – deıdi sharýa­­shylyq tóraǵasy. Týǵan jerge kin­­diginen baılanǵan jan mundaıǵa bar­­maq emes. Jasy­ra­tyny joq, sońǵy jyl­­daǵy sý tapshylyǵy tabysymyzǵa aı­­tar­­­­lyqtaı áser etip otyr. Sonda da biz osyǵan deıingi jasap kelgen qol­daýdy jalǵastyra beremiz. Alda árta­rap­tandyrýǵa den qoıyp, osyǵan deıin egip kelgen bıdaı men jońysh­qany ul­ǵaı­typ, kúrish kóle­min­ sál azaıtýymyz da múmkin. Biraq j­u­mys­shy­ jaǵ­daıy, eldiń turmysy birinshi oryn­da turady. О́ıtkeni qara jerdiń nesi­besi – elge ortaq, – deıdi qojalyq tór­­aǵasy.

Osy kúni aýylsharýashylyq salasyna baratyn jastar qatary azaıyp­ barady. Bul «Halyq» fermerlik qojalyǵyna da tán másele bolyp otyr. Qurylym basshylyǵy aýyl­ arasynan oqýǵa beıil bala shyq­sa,­ qoldaýǵa ázir. Degenmen de ázirge talap­tylar tabylmaı tur.

Qazir 2 myń gektar jeri bar sha­rýa­­­­shylyqta 40 adam jumys isteıdi. Bıyl­­ǵy naýqan da márege taıady, endi 2-3 kúnde dıqandardyń ala jaz­daıǵy beı­neti bezbenge túsedi. Me­reıli sátte bir serpilip qalatyn elde­giler kóp uza­maı keler jyldyń qamyna qaıta kiri­sedi.

О́ıtkeni aýylda tirshilik toqta­maı­­­dy.

Qyzylorda