Is-sharanyń ashylýynda sóz sóılegen ýnıversıtettiń Akademııalyq máseleler jónindegi prorektory L. Erkinbaeva: «Aqparattyń dáldigi, shynaıylyǵy jáne quqyqtyq qorǵalýy memlekettik saıasattyń basym baǵyty. Sıfrly bilim berýde akademııalyq yqpaldy arttyrýdaǵy ǵylymı zertteýlerdiń úlesi artyp keledi», dep atap ótti.
Aqparat jáne mádenıet mınıstrligi BAQ salasyndaǵy memlekettik saıasat basqarmasynyń ókili Anel Kóshkenbaeva alǵysózinde ár adamnyń aqparat alýda jelilerdiń, arnalardyń belsendi tutynýshysy bolyp otyrǵan kezde, medıa saýatty bolýy eń basty másele ekendigin atap ótti. Kásibı jýrnalıstıkanyń bul turǵyda róli eren. Mınıstrlik osy turǵyda ál-Farabı atyndaǵy QazUÝ-men salalyq jýrnalıstıka damytýǵa baǵyttalǵan baǵdarlamalardy birlese oryndap otyr.
BUU Jahandyq kommýnıkasııalar departamentiniń Qazaqstan Respýblıkasyndaǵy ókili – Almatydaǵy BUU Aqparattyq bıýrosynyń basshysy Vlastımıl Samek BUU-nyń ujymdyq kún tártibinde sıfrly keńistiktegi medıa jáne aqparattyq saýat máselesi ekendigin erekshe atady. Aqparat aǵynynyń tosqaýylsyz aǵyny onyń shynaıylyǵyn tekserýdi qajet etetini ras. Jasandy ıntellektiniń sıfrly aqparatqa yqpaly artyp otyr. Aqparat prızmasyn taný kásibı mamandarǵa jańa mindetter júkteýde, aqparatty taratý algorıtmi ózgerip jatyr. Sondyqtan medıa jáne aqparattyq saýattyń qoǵam ıgiligi úshin mańyzy artyp otyr.
Semınar jumysyna Reseı, Qazaqstan, Tájikstan, О́zbekstan, Qyrǵyzstan, Armenııadaǵy aýdıovızýaldy yntymaqtastyq jónindegi attashe Emmanýel Fosılon «QazUÝ jýrnalıstıka fakýltetimen birlesken sıfrly medıa salasynda «Faktchekıng», «Mobıldi túsirilim» baǵdarlamalary Ortalyq Azııa elderiniń jýrnalıstıka fakýltetteri qatysýymen nátıjeli aıaqtalǵanyn, aldaǵy ýaqytty VR jýrnalıstıka salasynda bilim berý jobalary usynylady», dep sózin qorytyndylady.
Semınar barysynda QazUÝ ǵalymdarynyń «Qazaqstandaǵy jalǵan aqparat pen dezınformasııa ındıkatorlaryn anyqtaýǵa arnalǵan sıfrly saýat salasynda aqparattyq resýrs ázirleý» QR Ǵylym jáne joǵary bilim mınıstriginiń qoldanbaly zertteýlerge granttyq jobasy tanystyryldy.
Osy jobanyń ǵylymı keńesshisi LMU Munich ýnıversıtetiniń BAQ jáne kommýnıkasııa kafedrasynyń meńgerýshisi, profesor Tomas Hanıssh jumys isteıtin ǵalymdar toby áleýmettik medıa jáne buqaralyq kommýnıkasııa salasyndaǵy jalǵan aqparat pen dezınformasııa ındıkatorlaryn zertteý jáne anyqtaý boıynsha zertteýler júrgizetinin atap ótti.
Zertteý nátıjeleri halyqtyń medıa jáne aqparattyq saýattylyqty zertteýdegi múmkindikterin keńeıtýge jáne jastardyń aqparattyq mádenıetin jaqsartýǵa yqpal etetin bolady.
Germanııa, Qyrǵyzstan, Slovakııa, Tájikstan, О́zbekstan elderiniń ǵalymdary, sondaı-aq jýrnalıstıka fakýltetiniń magıstranttary men PhD doktoranttary qatysty.
