Qazir Astana jáne Almaty qalalarynan qanatqaqty jobaǵa 441 adam qatysyp jatyr. Mınıstrlik ákimdiktermen birlesip qolǵa alǵan bul bastamanyń tıimdiligi búginniń ózinde baıqalady.
Buǵan deıin ınvataksıdiń qyzmetine júginý úshin azamattar bir kún buryn telefon arqyly jazylýy qajet edi. Bul sapardy aldyn ala josparlaýǵa, kólikti biraz kútýge májbúrleıtin. Buǵan qosa ınvataksı qyzmetin usynatyn kólik quraldarynyń jetispeýshiligi máselesi de bar. Osyndaı qolbaılaý bolatyn kedergilerdi retteý úshin arnaýly sharttardy birshama jeńildetip, bul qyzmetke taksı agregatorlaryn tartýǵa múmkindik týdy.
Ádette agregator jasalǵan saparlardyń tólem aqysynan platformalarynyń paıdasyna belgili mólsherde paıyz aýdaratyn bolsa, mundaǵy basty shart – sol paıyzdyń bolmaýy. Osy jumysty qoldaǵan Iаndeks kompanııasy qanatqaqty jobaǵa óteýsiz negizde qatysýǵa nıet bildirdi.
Endi ınvataksı qyzmetin azamattar osy atalǵan joba aıasynda Iаndeks Go mobıldi qosymshasy arqyly qoldana bastady. Jobanyń ereksheligi – qyzmetti alýshy úshin kólikti tezirek tańdaý, onlaın rejimde tapsyrys mártebesin qadaǵalaý jáne saparlardy baqylaýdyń qarapaıym júıesi. Bul qosymshada múgedektigi bar adamdar júrgizýshige sapardaǵy erekshe qajettilikteri týraly eskertýi úshin arnaıy múmkindikter ekrany iske qosyldy. О́z kezeginde júrgizýshiler adamdy kólikke otyrǵyzý jáne odan túserde qalaı kómek kórsetýge bolatyny sekildi qajetti nusqaýlardy alady.
Jobaǵa alǵashqy kezeńde Astana jáne Almaty qalalarynan múgedektigi bar adamdardyń fokýs-toby qatysady. Qyzmet kórsetýdiń oń nátıjesi bolǵan jaǵdaıda jańa formatta múgedektigi bar adamdardyń basqa toptaryna jáne elimizdiń barlyq óńirinde júzege aspaq.
