Ulttyq statıstıka bıýrosy taratqan málimetterge sáıkes, 2021 jylǵy halyq sanaǵy boıynsha 5 jastan asqan halyqtyń 44,9% eki tildi, 28,6% – úsh tildi meńgergen. Sanaq qorytyndysy boıynsha taǵy 1,7% 4 tilde sóıleıdi, 5 tildi halyqtyń 0,2% biledi. 6 tildi biletin polıglottardyń úlesi 0,1% nemese 8 845 adamdy qurady.
Qyzyqty derek, erlerge qaraǵanda 4-5 tildi meńgergen áıelderdiń úlesi basym, sáıkesinshe 47,9% jáne 52,1%. Biraq 6 jáne odan da kóp tildi biletin erler úlesi, kerisinshe, áıelderdiń úlesinen asyp túsedi – 55,6%.
О́ńirlik bóliniste 5 jáne odan da kóp tildi biletin polıglottar Almaty qalasynda. Bul rette 35,1% nemese 6 042,1 myń adam aǵylshyn tilin biledi, onyń 27,6% – erkin sóıleıdi. Jas segmentinde aǵylshyn tilin biletinderdiń úlesi 10-14 jas jáne 25-29 jas aralyǵynda kóp.
