Dala qyranyn qutqaryp qaldy

Bir buryshta búrisip jat­qan búrkitke jalǵyz ja­qyndap barýdan taısalǵan úı ıesi «Ikomek» ortalyǵynan járdem suraǵan. Kóp uzamaı qyran qonǵan úıge orman sharýashylyǵy jáne janýarlar álemi ınspeksııasynyń mamany Rýstam Bıdibaev, «Qostanaı ZooPýls» qoǵam­dyq birlestiginiń jetekshisi Vıkt­orııa Mashıdıeva, ta­bıǵat qorǵaý polısııa­sy­nyń kapıtany Qanat Shıqanov jetedi.

Búrkit birden ustata qoı­maǵanmen, adam ańdysa, almaı qoımaıdy. Qusty qa­lyń matamen qaqpaqyldap júrip orman sharýashylyǵy jáne janýarlar álemi ıns­pektory Rýstam Bıdibaev us­tap alǵan.

«Bul – Qyzyl kitapqa engen dala qyrany. Ornıtolog mamandar búrkittiń shamamen bir jarym jasta ekenin aıtyp otyr. Dala búrkitteri, ádette, osy óńirden sonaý Iran­ǵa deıin ushyp barady. Me­ken etetin arealy óte keń. Qyrandar negizinen qııany mekendeıdi. Eldi mekenderge óte sırek qonady. Bul búr­kit jemtigin qýyp júrip, jazataıym qanatyn qaıyryp alýy múmkin, – deıdi Rýstam.

«Qostanaı ZooPýls» qo­ǵamdyq birlestiginiń je­tek­shisi Vıktorııa Mashı­dıe­­vanyń aıtýynsha, usha almaı qalǵan qyrandy qa­zir veterınarlyq klı­nı­ka­lardyń biri tekserip jatyr. Veterınar mamandar qustyń qos qanatyn rent­gen­ge túsirmek. Eger aýyr ja­raqat alǵany anyq­tal­sa, qanaty ábden qataı­ǵan­nan keıin ǵana erkine ji­beriledi.

Qostanaı oblysy