Jeke derekterge tóngen qaýip

Osy sııaqty ózge de zertteý­lerge kóz júgirtsek, Belgııa­da­ǵy keńse qyzmetkerleriniń 57%-y­ derekterdi teksermeı-aq bir­den ChatGPT kómegine súıe­ne­di eken. Ulybrıtanııadaǵy res­­pondentterdiń basym bóli­gi (58%) jumys ýaqytyn ońtaı­lan­dyrý úshin jasandy ıntellekt qu­raldarynyń áleýetin ká­dege asyratynyn ashyq aıt­qan. ChatGPT izdeý-suraýlarynyń jıiligi týraly málimetter adam­dardyń kúndelikti ómirde chat-botty belsendi túrde paıdalana­tynyn, qajet bolǵan jaǵdaıda jumys tapsyrmalary úshin de qoldanatynyn alǵa tartqan.

Al Qazaqstanda 2023 jylǵy qyr­kúıektegi izdeý salýlardyń sa­ny osy jyldyń qańtarymen sa­lystyrǵanda 120%-ǵa ósken. Demek ChatGPT tanymaldylyǵy dál osyndaı qarqyn alyp jat­qanda «Oǵan jeke málimetterdi se­nip tapsyrýǵa bola ma?» degen ma­ńyzdy suraq týyndaıty­ny zańdylyq. Osy oraıda «Kas­per­skıı zerthanasynyń» zert­teýshileri bıznestegi mindetterdi oryndaý barysynda chat-botty paı­dalanýdyń tómendegideı úsh negizgi qaýpin bóle-jara qaras­tyryp otyr.

Birinshi – provaıder tarapynan derekterdiń ashylýy nemese buzylýy. LLM negizindegi chat-bottar (iri tildik modelder) iri tehnologııalyq kompanııalardyń baqylaýynda ekenine qaramastan, olar derekterdiń buzylýy nemese kezdeısoq ashylýynan saqtandyrylmaǵan. Mysaly 2023 jyldyń naýryzynda ol aıaq astynan isten shyǵyp, keıbir ChatGPT paıdalanýshylary basqa paıdalanýshylardyń hat almasýlarynda taqyryptar men alǵashqy habarlamalardy kórip qoıǵandyqtan, OpenAI chat-bot jumysyn ýaqytsha toqtata turýǵa májbúr bolady.

Ekinshi – zııankesti jalǵan kóshirmeler. Máselen ChatGPT sııaqty resmı qyzmetter keı­bir jerde buǵattalýy múmkin. Mun­daı jaǵdaıda kú­rdeli má­seleler týyn­dap, qoldaný­shy­lar beıres­mı balamalardy – baǵdarlama­­lar­dy, saıttar­dy, messendjer bot­ta­ry men klıent nemese qosym­sha ­re­tin­de jasyrynǵan zııandy ­baǵ­dar­lamalardy kezdeısoq júk­tep alady.

Úshinshi – akkaýntty buzý. Oǵan qosa zııankester fıshıng kómegimen qyzmetkerlerdiń esep­tik jazbalary men olardyń jeke derekterine qol jetkize alady. Osy oraıda Kaspersky Digital Footprint Intelligence qyzmeti chat-bottardaǵy akkaýnttarǵa kirýdi satý týraly habarlandyrýlardy darknettegi forýmdarda únemi anyqtap otyrady.

ALMATY