Foto: Vedomstvo. Telegram
Karate: Almatyda uıymdastyrylǵan WKF karateden jastar men jasóspirimder arasyndaǵy XXI Azııa chempıonatynda Qazaqstan sportshylary 8 altyn, 5 kúmis, 11 qola medalmen jalpykomandalyq esepte ekinshi orynǵa ıe boldy. Al eresekter arasynda ótken I Azııa ashyq birinshiliginde karateshilerimiz 8 altyn, 8 kúmis, 14 qola júldemen top jardy.
Sadaq atý: Bangkokta (Taıland) ótken sadaq atýdan Azııa chempıonatynda otandastarymyz 1 altyn, 1 kúmis, 1 qola medal jeńip aldy. Sonymen qatar Qazaqstan erler quramasy Parıj Olımpıadasynyń joldamasyna qol jetkizdi. Bul – Qazaqstan sportshylary jeńip alǵan 13-inshi lısenzııa.
Mánerlep syrǵanaý: Qazaqstan mánerlep syrǵanaýshysy Mıhaıl Shaıdorov Qytaıdyń Chýnsın qalasynda ótken Gran-Prı jarysynyń qola júldegeri atandy. Erler arasyndaǵy jekeleı synda baq synaǵan otandasymyz eki baǵdarlama qorytyndysy boıynsha 264.46 upaı enshilep, jeńis tuǵyrynyń úshinshi satysynan kórindi.
Short-trek: Short-trekten Kanadanyń Laval qalasynda ótken tórt qurlyq chempıonatynda Qazaqstan qyzdar quramasy (Alına Ájǵalıeva, Iаna Han, Malıka Ermek, Madına Janbosynova men Olga Tıhonova) 3000 metrlik qashyqtyqty 4:16.200 sekýnd kórsetkishpen úshinshi bolyp kelip, qola júldeger atandy.
Trıatlon: Saýd Arabııasynyń El-Hýbar qalasyndaǵy trıatlonnan Azııa chempıonatynda otandastarymyz Ekaterına Shabalına men Aıan Beısenbaev top jardy.
Tennıs: Qazaqstan tennısshisi Aleksandr Nedovesov Sofııada (Bolgarııa) ótken týrnırdiń juptyq básekesinde jeńimpaz atandy. Jerlesimiz atalǵan jarysta ekvadorlyq Gonsalo Eskobarmen jup qurap, fınalda aǵylshyn jáne horvat tennısshileri Djýlıan Kesh pen Nıkola Mektıchten basym tústi – 6:3, 3:6, 13:11.
Sambo: Armenııa astanasy Erevanda ótken 48-shi álem chempıonatynda Qazaqstan quramasynyń sportshylary 1 altyn, 2 kúmis, 5 qola enshiledi. Jarys qorytyndysy boıynsha otandastarymyz jalpy esepte 3-orynǵa turaqtady. Kelesi jylǵy álem chempıonaty Astanada ótedi.
