Basqosýda qarjy salasynyń naqty sektordy damytýdaǵy róli, sondaı-aq naryq aldynda turǵan syn-qaterler men múmkindikter jaıy saraptalyp, osy máselelerge basymdyq berildi. Qonaqtardyń qatarynda Qazaqstan qarjy sektorynyń barlyq derlik elıtasy, onyń ishinde Ulttyq banktiń 1993 jyldan bergi barlyq tóraǵalary, sondaı-aq alǵashqy teńge dızaınynyń avtory Meńdibaı Alın, memleket qaıratkeri Baqytjan Saǵyntaev, Qarjy mınıstri Erulan Jamaýbaev, ekonomıster jáne qarjygerler qatysty.
Forým jumysyna qatysqan UB tóraǵasy Tımýr Súleımenovtiń aıtýynsha, Ulttyq bank retteýshi ortany jáne qarjylyq ınfraqurylymdy jetildiredi. «Syrtqy kapıtal naryqtarymen baılanys arnalaryn kúsheıtemiz. Qazaqstannyń qor bırjalarynyń áleýetin biriktiremiz. Biz qarjylyq tehnologııalardy jan-jaqty qoldaımyz. О́ńirlik qarjy ortalyqtary retinde Almaty men Astanany damytýdy jalǵastyramyz», dedi ol.
Kongrestiń paneldik otyrystarynda sheteldik ortalyq bankter men qarjy ınstıtýttarynyń basshylary, otandyq memlekettik organdar men qarjy uıymdarynyń ókilderi makroekonomıkalyq saıasat pen qarjy sektorynyń ózekti máselelerin talqylady.
Kongress ulttyq valıýta kúnine jáne Qazaqstan qarjygerleriniń kásibı merekesine oraılastyrylǵan.
