Foto: boxingkazakhstan
48 keli salmaq dárejesinde Aqmola oblysynyń boksshysy, álem chempıony Temirtas Júsipov shırek fınalda Túrkistan oblysynyń úmiti Ravshan Turaqulovty jeńdi. Bul salmaqta jartylaı fınalǵa Ernar Qarap (Abaı oblysy), Ashat Júsipov (Astana qalasy), Ernur Qaırat (Almaty qalasy) ótip, Spartakıadanyń kem degende qola medalin oljalaıtyn múmkindikke ıe boldy.
54 keli salmaqta Nursultan Altynbek (Qyzylorda oblysy), Tımýr Qabdeshov (Aqmola oblysy), Kenje Muratuly (Almaty oblysy), Dáýlet Moldashev (ShQO) jartylaı fınalǵa ótti.
60 kelide Talǵat Syrymbetov (Qaraǵandy oblysy), Beıbarys Jeksen (Jambyl oblysy), Almat Ábdýálı (Jetisý oblysy), Rýslan Kúzeýbaev (Abaı oblysy) jartylaı fınalda jekpe-jekke túsedi.
67 kelide álem chempıonatynyń kúmis júldegeri Dýlat Bekbaýov (Jambyl oblysy), Atyraý oblysynyń boksshysy Bekbolat Quramysovty aıqyn basymdyqpen jeńgen Qostanaı oblysynyń boksshysy Elnur Súıinbaı osy salmaqtyń kóshbasshysy atanýǵa úmitti ekenin ańǵartyp jartylaı fınalǵa ótti. Baqtııar Smaǵulov (Pavlodar oblysy), Rahat Seıitjan (Mańǵystaý oblysy) jartylaı fınalǵa jetti.
75 keli salmaq dárejesinde Nurqanat Raıys (Atyraý oblysy) Abaı oblysynyń boksshysy Maqsat О́tegenovti 2-raýndta aıqyn jeńdi. Nurqanattan bólek jartylaı fınalda Tımýr Nurseıitov (Ulytaý oblysy), Azamat Bektas (Qyzylorda oblysy), Dıas Moljigitov (Jambyl oblysy) jekpe-jekke túsedi.
86 kelide Shaımurat Qusaıynov ( Pavlodar oblysy), Temirlan Muqataev (Astana qalasy), Bekzat Tańatar (Shymkent qalasy), Abzal Quttybekov (Túrkistan oblysy) Spartakıadanyń altyny úshin jarysty jalǵastyrady. Asa aýyr salmaqta (+92 keli) kásipqoı boksta baǵyn synap shyńdalǵan Nursultan Amanjolov (Jambyl oblysy) Pavlodar oblysynyń alyby Oljas Buqaevqa ese jiberip medaldan qaǵyldy. Jartylaı fınalǵa Nurlan Saparbaı (Túrkistan oblysy), Damır Toıbaı (Almaty qalasy), Amanat Sabyrǵalı (Atyraý oblysy) shyqty.
Búgin qalǵan alty salmaq dárejesindegi shırek fınaldyq aıqas ótedi.
