Boljam boıynsha, aldaǵy táýlikterde Qazaqstannyń basym bóliginde jaýyn-shashyn kútiledi. 18 qarashada soltústik-batysta, soltústikte, 19 qarashada respýblıkanyń shyǵysynda, 19-20 qarashada respýblıkanyń ońtústigi men ońtústik-shyǵysynda qar aralas jańbyr jaýady.
Tolassyz jaýyn-shashynmen qatar respýblıkanyń soltústik-batysynda jáne soltústiginde kóktaıǵaq, burqasyn kútiledi.
«Qazaqstannyń basym bóliginde aýa temperatýrasy kúrt tómendeıdi. Soltústik-batysta túnde 3-13 gradýs aıaz, kúndiz 7 gradýs aıazdan 5 gradýs jylyǵa deıin, soltústikte, ortalyqta, Respýblıkamyzdyń shyǵysynda túnde 8-16 gradýs aıaz, kúndiz 2-10 gradýs jyly aýa raıy kútiledi. Temperatýra ońtústik oblystarda da tómendeıdi. Bul aımaqta túnde 3 gradýstan 7 gradýsqa deıin, kúndiz 5-15 gradýsqa deıin, ońtústik-shyǵysta túnde 6 gradýs aıazdan 6 gradýs jylyǵa deıin, kúndiz 5 gradýs aıazdan 13 gradýs jylyǵa deıin kóteriledi. Respýblıka boıynsha jel sekýndyna 15-29 metrge deıin kúsheıip, tuman túsedi», delingen habarlamada.
