Magomed Adıev ulttyq qurama Eýro-2024 joldamasyn alýǵa naqty bel býǵanyn atap ótti.
«Men úshin alys saparǵa shyǵý qıyn emes. Biz «dala qasqyrymyz». Bul árbir Qazaqstan azamatynyń qanynda bar. Biz jankúıerlerdiń úmitin aqtap, Eýro-2024 joldamasyn alǵymyz keledi», dedi M.Ádıev baspasóz máslıhatynda.
Sondaı-aq jattyqtyrýshy qarsylas komandanyń baısaldy ekenin, onyń laıyqty klýbtarda oınaıtyn sapaly oıynshylary bar ekenin aıtty.
«Eńbek solar jaǵynda, biraq minez ben birlik biz jaqta. Biz oıyn aldynda birde-bir komandadan jeńilgen joqpyz», dedi ol.
Aıta keteıik, sheshýshi kezdesý qarashanyń 20-nan 21-ine qaraǵan túni Astana ýaqytymen 01:45-te «Stojıse» stadıonynda ótedi. Jeńiske jetken jaǵdaıda, komanda óz tarıhynda alǵash ret fýtboldan Eýropa chempıonatyna joldama alady.
Eske salaıyq, jaqynda bizdiń komanda San-Marıno komandasyn 3:1 esebimen utqan edi.
