Foto: gov.kz
Is-sharaǵa Qorǵanys mınıstriniń orynbasary general-leıtenant Sultan Qamaletdınov, Almaty óńirlik garnızonynyń qolbasshylyǵy, áskerı joǵary oqý oryndarynyń kýrsanttary jáne «Jas sarbaz» áskerı-patrıottyq qozǵalysynyń tárbıelenýshileri qatysty.
28 gvardııashy-panfılovshylar saıabaǵy Dańq memorıalyndaǵy Máńgilik alaýǵa gúl shoqtaryn qoıýdan bastalǵan is-sharada ekinshi dúnıejúzilik soǵysynyń, jergilikti urys qımyldary men Qarýly kúshterdiń ardagerleri sóz sóıledi.
Ekspozısııany general Panfılovtyń nemeresi, Qazaq KSR-niń eńbek sińirgen óner qaıratkeri, belgili kompozıtor Baqytjan Baıqadamovtyń qyzy uıymdastyryp otyr.
«Otbasy tarıhy – el tarıhy» kórmesine Panfılovter, Qaraldınder, Baıqadamovtar otbasy múshelerine qatysty fotosýretter, muraǵattyq qujattar men olardyń tutynǵan jeke zattary qoıylǵan. Eksponattar patshalyq Reseı, revolıýsııa, azamattyq, birinshi jáne ekinshi dúnıejúzilik soǵystar, sondaı-aq jappaı saıası qýǵyn-súrgin kezeńin qamtıdy.
Kórmeni uıymdastyrýǵa Keńes Odaǵynyń batyry, 316-shy atqyshtar dıvızııasynyń komandıri general-maıor Ivan Vasılevıch Panfılovtyń 130 jyldyǵy, onyń jubaıy Marııa Ivanovna Panfılovanyń 120 jyldyǵy jáne qyzy Valentına Ivanovna Panfılovanyń 100 jyldyǵy sebep bolǵan.
Panfılov-Baıqadamovtar otbasy ómiriniń kóp bóligi Almaty qalasymen tyǵyz baılanysty. Máskeýdi qorǵaýda óshpes erlik kórsetken 316-shy atqyshtar dıvızııasy Almaty qalasynda qurylǵany málim.
Baqytjan Baıqadamovtyń tamasha shyǵarmalary Almatyda jazyldy. Al osy kúnderi Qarýly kúshter memlekettik áskerı-tarıhı murajaıy fılıalynyń dırektory Alýa Baıqadamova jas urpaqtyń áskerı-patrıottyq tárbıesin damytýǵa baǵa jetpes úles qosyp keledi.
Is-shara aıasynda Qarýly kúshterdiń Ulttyq áskerı-patrıottyq ortalyǵy fılıalynyń ártisteri Baqytjan Baıqadamovtyń mýzykasyna qoıylǵan týyndylardy oryndady.
