Fýtboldan ulttyq komanda kapıtany, «Ordabasy» fýtbol klýbynyń oıynshysy Ashat Taǵybergen jaraqatyna baılanysty sońǵy matchtarǵa qatysa almady. Osyǵan baılanysty fýtbolshy qatarǵa qashan qosylatynyn málimdedi.
«Bári oıdaǵydaı bolsa, 4 aptadan soń alańǵa shyǵyp, jattyǵýǵa kirisemin. Kelesi oıynǵa daıyndalamyz», dedi Ashat Taǵybergen.
Aıta keteıik, jartylaı qorǵaýshy týra bir aı buryn «Ordabasy» men «Shahter» arasyndaǵy matchta aýyr jaraqat alǵan bolatyn.
Qazaqstan quramasy sapynda dál qazir Ashattan bólek, Bahtııor Zaınýtdınov, Baýyrjan Islamhan, Mıhaıl Gabyshev jáne Baǵdat Qaıyrov ta jaraqatyna baılanysty jasyl alańǵa shyǵyp júrgen joq.
