1. Qazaqstan quramasy alǵash ret top ishinde eń joǵary orynǵa turaqtady.
N tobynda úshtikti túıindegen Fınlııandııadan qosymsha kórsetkishter boıynsha ǵana artta qalǵan Qazaqstan fýtbol quramasy óz tarıhyndy tuńǵysh ret tórtinshi tuǵyrdan tabyldy. Sondaı-aq irikteý kezeńiniń sońǵy týryna deıin toptan shyǵý joldamasyna úmitker múmkindigin saqtap qaldy.
Buǵan deıin quramanyń eń joǵary kórsetkishi besinshi oryn boldy. (Eýro - 2016 jáne 2020 irikteý kezeńi) ÝEFA-daǵy alǵashqy jyldary komanda altynshy orynnan asa almaǵan edi.
2. Irikteý kezeńinde eń kóp jeńis tirkeldi.
Quramanyń taǵy bir tarıhı jetistigi - irikteý kezeńindegi on oıynnyń altaýyn jeńispen aıaqtaýy. Otandyq jankúıerler qorytyndy nátıjede matchtardyń 60 paıyzynda jeńisti toılaǵan. Buǵan deıingi joǵary nátıje qazaqstandyq qurama EÝRO-2020 irikteý kezeńinde qarsylastaryn 3 ret jeńgen.
3. Aldyńǵy jyldarǵa qaraǵanda jigitter az jeńildi.
Komanda bul kórsetkish boıynsha da rekord jasady. On oıynnyń tórteýinde jeńildi. Buryn-sońdy ulttyq qurama jankúıerlerdi munshalyqty sırek san soqtyrmaǵan edi.
4. Teń oıyn múlde tirkelmedi.
Buryn ulttyq qurama jankúıerleri «laıyqty jeńilis» pen «jan berip, jan alysqan teń oıyndarǵa» tózip keldi.
5. Kóp gol soǵyldy.
EÝRO - 24 irikteý kezeńinde bizdiń fýtbolshylar 16 ret gol soqty. Buǵan deıin bul kórsetkish boıynsha rekord EÝRO - 2020 irikteý týrynda 13 gol boldy. Ulttyq qurama alǵash ret ár matchta kem degende 1,5 gol soǵý kórsetkishine qol jetkizdi.
6. О́z qaqpamyzǵa az gol jiberdik.
Qurama qaqpashylary qaqpaǵa baǵyttalǵan 12 goldy qaıtara almady.
7. Komanda irikteý kezeńiniń qorytyndysynda soǵylǵan goldar boıynsha «+» kórsetkishin baǵyndyrdy.
Qurama qarsylastaryna 16 gol soǵyp, 12 goldy qaqpamyzǵa ótkizip aldy. «+4» aıyrmashylyq. Bul kórsetkish Eýro-2020 irikteý kezeńindegi «-4»-ten, sondaı-aq segiz jyl buryn tirkelgen «-18»-den áldeqaıda joǵary jetistik bolyp otyr.
