Ulandyqtar onyń qujattaryn tekserý úshin toqtatqanda álgi adam qasha jónelgen. Osy sátte kınolog efreıtor Damır Marat: «Toqta! Áıtpese qyzmettik ıtti bosatamyn!» dep eskertý jasaǵan. Azamat bul talapty elemegennen keıin Roı esimdi qyzmettik ıt qashqynnyń sońyna túsip, qylmyskerdi quryqtaýǵa septigin tıgizgen.
«Biz ony qujattaryn tekserý úshin toqtatqan kezde ol qashyp ketýge tyrysty. Sondyqtan ony ustaý úshin qyzmettik ıttiń kómegine júginýge týra keldi», dedi áskerı jasaq basshysy, serjant Álisher Saǵymbekov. Ustalǵan adam qosymsha tekseris úshin Almaly aýdanynyń polısııa basqarmasyna jetkizildi.
Sondaı-aq elordada ulandyqtar joǵalǵan balany aman-esen ata-anasyna qaıtardy. Qazir bes jasar búldirshinniń ómiri men densaýlyǵyna qaýip tónip turǵan joq. 21 qarasha kúni keshki saǵat 7-ler shamasynda Astana qalasynyń Jedel basqarý ortalyǵynan áskerı jasaq boıynsha kezekshiniń rasııasyna bala joǵalǵany týraly aqparat kelip túsedi. Kóp uzamaı oqıǵa ornyna jaqyn ornalasqan barlyq áskerı jasaq bes jasar qyzdy izdeýge kiristi. Jarty saǵattan keıin patrýldik toptyń basshysy, kishi serjant Qajymuqan Meldesh, patrýlder qatardaǵy Aleksandr Ivanov pen Kenjebek Erejepovten quralǵan áskerı jasaq «Asiya» dúkeniniń janynda jylap otyrǵan balany baıqaıdy.
«Biz baǵdarlaý belgilerine sáıkes keletin balany kórip qaldyq. Qyzǵa jaqyndaǵan kezde onyń adasyp ketkenin jáne óz aýlasyna jol taba almaı turǵanyn bildik. Sodan keıin búldirshindi ata-anasynyń qolyna tapsyrdyq», deıdi kishi serjant Qajymuqan Meldesh. Izdestirý jumysynda jedeldik tanytqan áskerılerge ata-analar dán rıza ekenin aıtyp, alǵysyn bildirdi. Áskerıler qoǵamdyq tártipti saqtaýdaǵy qyraǵylyǵy men jaýyngerlik qyzmet atqarý kezindegi baıqampazdyǵy, is-áreketindegi jedeldigi úshin marapattaldy.
