О́tken aptada Halyqaralyq shala týǵan balalar kúninde Almatydaǵy eki birdeı irgeli mekeme – Perınatologııa jáne balalar kardıohırýrgııasy ortalyǵy men Pedıatrııa jáne balalar hırýrgııasy ǵylymı ortalyǵynda qos mereke qatar ótti. Ǵylymı ortalyqqa syı-sııapatymen kelgen «Men senimen birgemin» qorynyń ókilderi saltanatty is-sharanyń sánin keltirdi.
Pedıatrııa ortalyǵyndaǵy Neonatologııa jáne jańa týǵan nárestelerdiń hırýrgııa bóliminiń 64 jyldyq tájirıbesi bar. Munda elimizdiń túkpir-túkpirinen kelgen, týabitti keselderi men hırýrgııalyq patologııasy bar jańa týǵan nárestelerge shuǵyl medısınalyq kómek kórsetiledi. Torǵaıdaı bolyp týǵan nárestelerge óńesh atrezııasy, dıafragmalyq gryja, ishek ótimsizdigi, anorektaldy kemistik, gastroshızıs, omfalosele, sakrokoksıgealdy aımaqtyń teratomasy syndy kóptegen kúrdeli rekonstrýktıvtik plastıkalyq operasııalar jasalady.
«Jyl saıyn bólimde ártúrli patologııamen respýblıkanyń ár óńirinen jetkizilgen 400-ge jýyq náreste emdeledi. Olardyń 80%-y – 700 gramnan bastap 2 500 gramǵa deıingi ekstremaldy tómen salmaqtaǵy 25-35 aptalyq náresteler. Bólim 2022 jyly túrli patologııamen dúnıege kelgen 300-den asa sábıdi ajal aýzynan aman alyp qalsa, bıyl 350-ge jýyq shaqalaqty kútip-baptady. 20 tósegi bar bólim 2003 jyldan bastap týabitti hırýrgııalyq patologııasy bar nárestelerdi qabyldaı bastasa, 2012 jyldan beri shala týǵan nárestelerdiń retınopatııasyna kóz torynyń lazerlik koagýlıasııasyn sátti jasap keledi. Dene salmaǵy 1 000 gramm ǵana bolatyn shala týǵan nárestelerdiń adam qataryna qosylýy aıtarlyqtaı ósip, ólim-jitimi 3-4 esege tómendedi. Bizdiń ortalyqta bir jyl ishinde emdelip shyqqan sábılerdiń 80%-ǵa jýyǵy – shala týǵan náresteler», deıdi Neonatologııa jáne jańa týǵan nárestelerdiń hırýrgııa bóliminiń meńgerýshisi Aıjan Baıǵuttıeva.
Ár sábıdiń ómiri úshin bólimde 20-dan asa maman kúresip, kishkentaı perishtelerdiń ómirine arasha túsip jatady. Mundaı jaǵdaıda dárigerler ata-ananyń psıhologııalyq daıyndyǵy da úlken ról atqaratynyn aıtady.
Al Perınatologııa jáne balalar kardıohırýrgııasy ortalyǵynda Pampers brendi Qazaqstandaǵy «Qyzyl jarty aı» qoǵamymen birge ótkizgen mereke «Eń kishilerge – úlken qamqorlyq» bastamasyn márege jetkizdi.
«Búgin biz dúnıege kelýge asyqqan kishkentaı batyrlarmen birgemiz. Sondyqtan osy ataýly kúndi týa salyp ómirin kúrespen bastaǵan jáne osy joldy batyldyqpen jeńe bilgen baldyrǵandar atap ótip jatyr. Erekshe merekege sábılerdiń áke-sheshelerimen birge, osy qıyndyqtardy qosyla eńsergen Perınataldy ortalyqtyń dárigerleri de qosyldy. Biz mundaı bastamany Qazaqstanda birinshi ret qolǵa alyp otyrmyz. О́mirge shyr etip kelgen sátinen bastap qıyndyqtarǵa tap bolǵan jáne ony jeńe bilgen sharanalar saltanatty jaǵdaıda qandaı qurmetke bolsa da laıyqty. «Eń kishilerge – úlken qamqorlyq» kampanııasynyń aıasynda Pampers brendi Qazaqstandaǵy eń iri alty perınataldy ortalyǵy men elimizdegi balalar aýrýhanalaryndaǵy shala týǵan sharanalarǵa tegin túrde 650 myńnan asa arnaıy jórgek tarata otyryp, sábılerdi ońaltýdy qarjylandyrýǵa kómektesedi. Al shala týǵan sábılerge arnalǵan jórgekterdi biz Qazaqstanǵa tegin jetkizip, perınataldy ortalyqtar men perzenthalarǵa taratyp beremiz, satylymda joq. Mundaı jórgekter asa jumsaq, qaýipsiz materıaldardan jáne salmaǵy bir kıloǵa da jetpeı týǵan shaqalaqtardyń salmaǵyna, terileriniń náziktigine eseptelinip jasalǵandyqtan, bul ata-analaryna da aıtarlyqtaı kómek pen qoldaý», deıdi Ortalyq Azııadaǵy Procter & Gamble basshysy Rýslan Gamzaev.
Qazaqstandaǵy «Qyzyl jarty aı» qoǵamynyń bas dırektory Marat Meldehanov bedeldi brendpen seriktese jumys istep otyrǵandaryn mártebe tutatynyn aıta kele: «Bizdiń birinshi mindetimiz – joba ınfraqurylymyn uıymdastyrý, sapaly qoldaý men qaıyrymdy jobanyń tıimdiligin barynsha qamtamasyz etý», dedi.
«Shala týǵan balalar jalpy sanynyń tórtten bir bóligi, óte ekstremaldy dene salmaǵymen – bir kılogramnan da tómen bolyp dúnıege keledi. Alaıda jyl ótken saıyn medısınanyń bul salasy damyp kele jatqandyqtan, dúnıege kelýge asyqqan balalarǵa qamqorlyq kórsetý biz úshin jeńildep jatyr», deıdi Perınatologııa jáne balalar kardıohırýrgııasy ortalyǵynyń neonatologııadaǵy medısınalyq qyzmetter sapasyn baqylaý bóliminiń basshysy Lázzat Ońalbaeva.
Mereke kezinde eki ortalyqta da dárigerler ózderi kindigin kesken, deni saý ári ósip qalǵan balalarmen kezdeskende jan tolqytarlyq áserli sátteri kóp boldy. Al «Buryn jáne búgin» fotosýretter kórmesine sharanalardyń endi týǵan jáne ósip kele jatqan kezderindegi sýretteri qoıyldy.
ALMATY
