Foto: áleýmettik jeliden alyndy
Tabıǵattyń bul tosyn qubylysyna aqtaýlyqtar búgin tańerteń 9:30 shamasynda kýá bolǵan.
«Bulttar muhıttaǵy tolqyndar sııaqty jyljyp otyrdy. Men bul erekshe bulttardyń aldyndaǵy, artyndaǵy aspannyń ashyq bolǵanyna tań qaldym. Syrtqy kórinisine qarap bulttardy «Táńir kórpesi» dep atadym», dedi Aqtaý turǵyny Aqsynaı Janǵalı.
Sondaı-aq tabıǵattyń tosyn tartýyna tańdanǵan jurt jelige jarysa sýret júktep jatyr.
Al, jergilikti aqparattyq portal Lada.kz erekshe bulttardyń ataýy men paıda bolý sebebin «Qazgıdromet» RMK-dan surap, bilgen.
«Aınalmaly bulttar - bul óz osiniń aınalasynda aınalý beınesin jasaıtyn uzyn, ádette, tómen ornalasatyn, kóldeneń, tútik tárizdi bult massasy. Aınalmaly bulttar basqa bulttarmen baılanyspaıdy. Mundaı bulttar jer atmosferasyndaǵy tolqyndardyń buzylýynan, sýyq fronttardan sýyq aýanyń shyǵýy nátıjesinde paıda bolýy múmkin. О́te sırek baıqalatyn, erekshe bult pishinderiniń biri», delingen «Qazgıdromet» RMK fılıalynyń habarlamasynda.
