Uzaq qashyqtyqtaǵy báıge marafony Mahambet aýdanynda ótti. Ony oblystyq «Báıge» federasııasy uıymdastyrdy. Oblys ákimdigi men oblystyq dene shynyqtyrý, sport jáne týrızm basqarmasy qoldaý kórsetti.
Ulttyq sport, ásirese báıge dese, eleń etpeıtin, delebesi qozbaıtyn qazaq bar ma? Bul báıgede 10 júlde tigildi. Marafonǵa júırik qosqandardyń bári de birinshi júldeni ıelenýden úmitti boldy. О́ıtkeni onyń syıaqysy – 2 mıllıon teńge. Júırik baptaǵan atbegiler de, báıgeni tamashalaýǵa jınalǵan jurtshylyq ta máre syzyǵyna oq boıy ozyp keler qylquıryqty asyǵa kútti. Ásirese at ıeleriniń degbiri qalmady.
Qylquıryqty tulparlardyń alamanynda Qyzylqoǵa aýdanynyń úsh júırigi alǵashqy úsh júldeni ıelendi. Muqyr aýylynda turǵan Taıjan qarııa kezinde tazy ustap, jolyn jalǵar urpaǵynyń jadyna ulttyq qundylyqtardy molynan sińirgen. Ulaǵatty qarııanyń tálimin alǵan nemereleri qosqan «Nurtóbel» júırigi 90 shaqyrymdyq báıgeden márege birinshi bolyp jetti. Jeldeı esken júırikti atbegi Áleke Bóltekov baptaǵan. Shabandozy – Baqytjan Jetkizgen. Jeńimpaz júıriktiń ıesine 2 mıllıon teńge berildi.
Ekinshi júldeniń 1 mıllıon teńgesine Mııaly aýylynyń turǵyny Qaıyrbek Baımuratovtyń «Aıtumar» júırigi ıelendi. At ıesi aýyzdyǵymen alysqan bul júırikti baptaý úshin atbegi Áleke Bóltekovti, shabandozdyqqa Isa Jańǵabyldy tańdapty.
Máre syzyǵyn úshinshi qıǵan «Kúnqasqa» tulparyn Taısoıǵan aýylynyń turǵyny Esenǵabyl Qosaev qosty. «Kúnqasqanyń» shabandozy Dosjan Dosqalı 800 myń teńgege ıe boldy.
Budan keıin kelgen júırikterdiń ıeleri de júldesiz qalmady. Máselen, tórtinshi orynǵa – 700 myń, besinshige – 600 myń, altynshyǵa – 500 myń, jetinshige – 400 myń, segizinshige – 300 myń, toǵyzynshyǵa – 200 myń, al 10-oryn ıegerine 100 myń teńge berildi.
Atyraý oblysy
