Bári de qoǵam úshin: 2024 jyly Almatyda qala mańyna qatynaıtyn 20 jańa baǵyt ashylady

Áli de bolsa qulashyn tolyq jaıa almaı otyrǵan metro bul máseleni tolyq retteı almaı otyrǵanymen, sońǵy kezde qala bıligi Almaty metropolıteninde qosymsha quramdardy jolǵa shyǵaryp, tańǵy jáne keshki qar­ba­las ýaqytta jelidegi po­ıyz­dardyń kelý jıiligin 5 mınýt 38 sekýndqa jetkizdi.

О́ıtkeni kúzde jańa oqý jy­lynyń bastalysymen jolaýshylar legi 70 myńnan 90 myńǵa deıin ósken. Tipti arnaıy taldaý­lar metro jolaýshylarynyń sany keıde kúnine 100 myńǵa deıin jetetinin kórsetkendikten, jelige qosymsha quram shyǵarý týraly sheshim qabyldandy. Árbir quram 900 adamdy syıdyra alatyn 4 vagonnan turady.

Sol sııaqty bıyl qalaǵa 55 trolleıbýs jetkizilgen, onyń 19-y №1, №9, №12, №5, №11, №25, №7, №19, №6 marshrýttarǵa berildi. Almatyda kórsetilgen baǵyttar boıynsha taǵy 17 jańa trolleıbýs qosyldy. Sonyń arqasynda barlyq 9 trolleıbýs baǵyty boıynsha 60% jańa trolleıbýstar jolǵa shyqty.

Almatynyń №1 trolleıbýs parki Yutong ZK6128BEVG 12 metrlik tómen edendi trol­leı­býs­tardyń birinshi partııasyn alsa, jyljymaly quram sońǵy 11 jylda alǵash ret jańartylyp jatyr. Bul trolleıbýstar elektr qýaty taýsylyp qalsa, batareıamen júre alady.

Jalpy, aldaǵy jyldary kólik qozǵalysyn jaqsartý jáne qala mańy turǵyndaryn qo­ǵam­dyq kólikpen qamtamasyz etý maqsatynda «Almaty qala­syn damytýdyń 2025 jylǵa deıingi baǵdarlamasyn jáne 2030 jylǵa deıingi orta merzimdi keleshegin» iske asyrý jónindegi Jol kartasyna sáıkes 2024 jyl­dyń sońyna deıin qala mańyna qatynaıtyn 20 jańa marshrýt uıymdastyrý jos­parlanyp otyr. Mundaı sheshimdi depýtattar Almaty qalasy máslı­ha­tynyń kezekten tys HI sessııasynda qabyldady.

2023 jyldyń sońyna deıin qala mańyna qatynaıtyn 10 jańa marshrýt uıymdastyrý kózdelse, qazir onyń 9-y ashyldy. Keler jyly qatarǵa qosylatyn baǵyttarǵa qatysty qalalyq BAQ egjeı-tegjeı túsindirip, aqparat taratyp otyr.

Sol sııaqty taqyrypqa oraılas, «Adamdar úshin jasalǵan» qaǵıdatyna saı Almatydaǵy aıaldama keshenderiniń jańa túrleri paıda bolyp jatqanyn aıta ketý kerek. Mysaly, bul – Naýryzbaı aýdanyndaǵy №7 qalalyq klı­nı­kalyq aýrýhananyń aldyna qoıylǵan aıaldama kesheni.

«Mundaı aıaldama týraly senimdi túrde «adamdar úshin jasalǵan» dep aıtýǵa bolady. Iаǵnı qandaı da bir standartty joba ǵana emes, jolaýshylardyń qajet­tilikteri eskerilgen. Qolaı­syz aýa raıynda aıaldamaǵa kóp adam sııady», deıdi ýrbanıst Dıdar Shajalıev.

ALMATY