Ekonomıka • 08 Jeltoqsan, 2023

«ArselorMıttal Temirtaýdy» Qazaqstan ınvestory basqarady

270 ret
kórsetildi
1 mın
oqý úshin

Úkimet pen ArcelorMittal korporasııasy «ArselorMıttal Temirtaý» AQ-ny Qazaqstanǵa berý týraly mámilege keldi. О́nerkásip jáne qurylys  mınıstri Qanat Sharlapaev ArselorMıttal Temirtaýdyń jańa ınvestory týraly aıtyp berdi, dep habarlaıdy Egemen.kz Úkimettiń baspasóz qyzmetine silteme jasap.

«ArselorMıttal Temirtaýdy» Qazaqstan ınvestory basqarady
«Eshqandaı da sheteldik ınvestor qatyspaıdy. Kásiporyndy Qazaqstan ınvestory ıelenip, basqaratyn bolady. Bul rette 3 jyl ishinde ınvestısııalardyń jalpy kólemi shamamen $3,5 mlrd-ty quraıdy. Jaqyn arada kásiporynnyń operasııalyq jumysyn jaqsartýda ınvestısııalar kólemi $1 mlrd-tan asady», dedi Q.Sharlapaev
 
Onyń aıtýynsha, Úkimet pen ArcelorMittal korporasııasy arasyndaǵy kelisimge  7 jeltoqsanda qol qoıylǵan. Al barlyq esep aıyrysýlar men aksııa aýdarymdary keshe tústen keıin aıaqtalypty.
 
«Biz ArcelorMittal kompanııasy tarapynan «Qazaqstan halqyna» qoryna qaıyrymdylyq mólsheri, sondaı-aq kásiporynnyń odan ári jumys isteý sharttary týraly uzaq kelissózder júrgizdik», dedi mınıstr.
Sońǵy jańalyqtar