Qarýly kúshter áskerı qyzmetshileriniń, ardagerlerdiń jáne olardyń otbasy músheleriniń halyqaralyq dárejedegi «Katıýsha» halyq shyǵarmashylyǵy festıvali Reseı armııasynyń Ortalyq úıinde ótti.
Baıqaýǵa qatysýshylardyń ónerin Reseı Qorǵanys mınıstrliginiń, áskerı mádenıet mekemeleriniń, buqaralyq aqparat quraldarynyń ókilderi men óner sheberleri baǵalady.
Baıqaýda Qazaqstan ujymy kompozıtor Iаn Frenkeldiń, Rasýl Gamzatovtyń sózine jazylǵan «Jýravlı» ánin oryndady.
«Mundaı is-sharalar shyǵarmashylyq adamdar úshin óte mańyzdy dep bilemin. Bul birinshiden bizge ártúrli ujymdarmen, ózindik tásildermen tanysýǵa, shyǵarmashylyq izdenisimizdi keńeıtýge múmkindik beredi. Halyqaralyq festıvalde jeńiske jetý bizdi kádimgideı qanattandyrdy. Sol sebepti de tyńdaýshylarymyzǵa árdaıym jarqyn áser syılap, jumysty jalǵastyra beremiz», dedi QR Qarýly kúshteri Ulttyq áskerı-patrıottyq ortalyǵy bastyǵynyń orynbasary – kórkemdik jetekshi Mars Jalǵasbaev.
Baıqaýǵa on segiz elden kelgen vokaldyq ujymdar, vokaldyq-aspaptyq ansamblder men solıster qatysqanyn aıta ketý kerek.
