О́rtti sóndirý jáne izdestirý-qutqarý jumystaryna 263 qutqarýshy jáne 61 tehnıka jumyldyryldy. Sondaı-aq volonterler tartyldy.
Jarylys saldarynan 12 adam zardap shegip, 3 adam qaza tapty.
Zardap shekkenderdiń tórteýi oblystyq aýrýhanaǵa, altaýy qalalyq aýrýhanaǵa jetkizildi. Medısınalyq kómekke 1 adam óz betinshe júgingen, 1 adam medısınalyq mekemege jatýdan bas tartty. Jalpy, zardap shekkenderdiń bárine qajetti medısınalyq kómek kórsetilgen.
«Qıraǵan tehnıkalyq qyzmet kórsetý beketi ǵımaratynda gaz-aýa qospasy jarylysynan 15 adam zardap shekti. Onyń úsheýi kóz jumdy. Qutqarýshylar qırandynyń astynan 6 adamdy alyp shyqty. Onyń úsheýi tiri. Qazir aýrýhanada 10 adam emdelip jatyr. Onyń bireýiniń jaǵdaıy aýyr», dedi oblystyq TJD basshysy, polkovnık Qasym Qaırat.
Oqıǵa saldarynan 7 jeńil jáne 5 júk tehnıkasy, sondaı-aq jaqyn mańdaǵy 12 turǵyn úı zaqymdanǵan.
Polısııa QR QK 292-baby 3-bólimi boıynsha (abaısyzda eki jáne odan da kóp adamnyń ólimine ákep soqqan órt qaýipsizdigi talaptaryn buzý) sotqa deıingi tekserý sharasyn bastady.
Esterińizge sala keteıik, keshe saǵat 12.36-da júk kólikterin jóndeıtin tehnıkalyq bekette gaz-aýa qospasy jarylyp, saldarynan 280 sharshy metrlik ǵımarat tolyqtaı qıraǵan bolatyn. О́rt 13:52 ýaqytynda tolyq sóndirildi.
