«Biz Prezıdent Qasym-Jomart Toqaevtyń qazaq tiliniń, atap aıtqanda, «Qazaq tili» qoǵamynyń turaqty jáne uzaqmerzimdi damýyn qamtamasyz etý jónindegi kúsh-jigerin qoldaımyz. Birtutas ultty qalyptastyrýǵa yqpal etetin basty faktor retinde qazaq tiliniń damýyna laıyqty úles qosý – biz, el azamattary úshin úlken mártebe. Biz bıznes qaýymdastyqty osy asyl bastamany qoldaýǵa shaqyramyz», dedi «Kusto Group» dırektorlar keńesiniń tóraǵasy Erkin Tátishevpen birge Dırektorlar keńesiniń músheleri Dáýlet Nurjanov, Qanat Kópbaev, Murat О́temisov, Talǵat Turymbaev, Orazhan Qarsybekov.
Qazaq tilin qoldaý endaýment-qory memlekettik tildi qoldaýmen, damytýmen aınalysatyn elimizdiń iri uıymy Halyqaralyq «Qazaq tili» qoǵamynyń bastamasymen qurylǵanyn eske sala keteıik.
Endaýment qorynyń ereksheligi – qorǵa aýdarylatyn qarajattyń ózi jumsalmaıdy. Ol basqarylady jáne ınvestısııalanady. Endaýment-qordyń ınvestısııalyq qyzmetinen túsken tabys benefısıar-uıymnyń jarǵylyq mindetterine baǵyttalady. Bul qordyń qarajatyn bedeldi qoǵam qaıratkerleri, lıngvıst-ǵalymdar men memleket ókilderi qatarynan táýelsiz qamqorshylyq keńes baqylaıdy.
Endaýment-qordyń kiristeri Halyqaralyq «Qazaq tili» qoǵamynyń jumysyn qamtamasyz etý jáne memlekettik tildi qoldaný aıasyn keńeıtýge, jańǵyrtýǵa jáne odan ári damytýǵa baǵyttalǵan jobalardy iske asyrý úshin granttar túrinde baǵyttalady.
Oraıy kelip turǵanda, «Kusto Group Pte. Ltd» (www.kustogroup.com) – Sıngapýrda tirkelgen ınvestısııalyq-ónerkásiptik holdıng ekenin atap ótken jón. Búginde «Kusto Group» 4 qurlyqtaǵy 9 elde munaı-gaz, taý-ken, qurylys, damý salasynda, qurylys materıaldaryn óndirýde jáne aýyl sharýashylyǵynda tabysty jumys istep jatyr.
ALMATY
