Foto: gov.kz
9 jeltoqsanda ákimshilik ýchaskede profılaktıkalyq is-sharalardy ótkizý barysynda kámeletke tolmaǵandar isteri jónindegi ınspektor Aımereke Muhanbetqazına qaladaǵy kafe mańynda shýlaǵan úsh jas jigitti baıqaǵan. Ony kórgende jigitterdiń birden tynyshtalýy ınspektordyń kúdigin týǵyzǵan.
Polıseı jaqyndaǵan sátte olardyń biri kómekke muqtaj ekendigi týraly halyqaralyq sıgnal – qol qımylyn kórsetkenin baıqady. Oǵan qaýip tónip turǵanyn túsingen A.Muhambetqazına birden «102» nómirine qońyraý shalǵan. Áriptesteri kelgenge deıin ol quqyq buzýshylardy óz betinshe ustaýǵa tyrysty, biriniń qolynda pyshaq tárizdes zat bar ekenin baıqap, olardy áńgimege tartty.
Osy ýaqyt ishinde polısııa jasaǵy da jetip, quqyq buzýshylardy ustaǵan. Tergeý júrgizilip jatyr.
