Foto: aqparatqogam
Kezdesý barysynda Aıda Balaeva Qazaqstan-Fransııa qarym-qatynasy Prezıdentter Qasym-Jomart Toqaev pen Emmanýel Makronnyń ózara saparlarynan keıin damýǵa jańa serpin alǵanyn atap ótti.
Fransııa Prezıdentiniń Astanaǵa sapary aıasynda Gıme (Guimet) shyǵys óneri murajaıynda Qazaqstannyń tarıhı muralarynyń kórmesin ótkizý týraly aldyn ala ýaǵdalastyqqa qol jetkizildi.
Aıda Balaeva men Iаnnık Lınts aýqymdy sharanyń jaı-japsaryn talqylady. Álemge áıgili Gıme (Guimet) murajaıy Azııa óneriniń álemdegi eń tolyq jáne Eýropadaǵy eń úlken kolleksııasyna ıe. Murajaı prezıdenti qoımalarda Qazaqstannan alynǵan birneshe jádiger bar ekenin, alaıda jurtshylyqtyń qyzyǵýshylyǵyn eskere otyryp, mýzeı qazaq mádenıeti men tarıhyn sıpattaıtyn mańyzdy jádigerlerdi kóbirek usynǵysy keletinin aıtty.
«Munda Eýropada, ásirese Fransııada Uly Jibek jolynyń bir bóligi bolǵan dúnıejúzi aımaǵynyń mańyzyn qazir kóp adamdar túsinedi. Shyǵys pen Batystyń, Soltústik pen Ońtústiktiń arasynda mádenıetterdiń qalaı ótkenin de túsinemiz. Búgingi álemde mádenı kezdesýlerdi beıneleıtin aımaqty kórsete bilý óte mańyzdy. Qazaqstannyń uly dúnıejúzilik tarıhpen baılanysy týraly aıtý kerek», dedi Iаnnık Lıns.
О́z kezeginde Mádenıet mınıstri «Qazaq dalasy órkenıetiniń mádenı kody» ulttyq kórmesiniń ekspozısııasynda tarıh pen mádenıet úshin mańyzy zor jáne buryn sheteldik kórermenderge usynylmaǵan jádigerler qoıylatynyn atap ótti.
A.Balaeva kórme eki eldiń mádenı baılanysyn nyǵaıtyp, rýhanı murany pash etetinin jetkizdi.
