S.Elemesov 1973 jyly 21 aqpanda aýysym sheberi Jambyl Ybyraevpen birge Jezqazǵan mys zaýytynda alǵashqy qara mys alǵan konvertorshy bolatyn. Ol Eńbek Qyzyl Tý ordenimen, QazKSR Joǵarǵy keńesiniń Qurmet gramotasymen marapattaldy, KSRO-nyń Qurmetti metallýrgi atandy, 2012 jyly ómirden ozdy. Jezqazǵan mys zaýytynda qazir onyń jolyn balalary men nemereleri jalǵastyryp keledi.
Premerany tamashalaýǵa kórermender kóp jınaldy. Halyq qoıýshy-rejısser – Temirjan Janbotaevtyń dramany sátti sahnalaı bilgenine jáne ártisterdiń, ásirese bas keıipkerdi somdaǵan akter Jánibek Arystanbekovtiń ónerine rızashylyq bildirdi.
Qoıylymǵa keńesshilik jasaǵan Qazaqstannyń Qurmetti metallýrgi, Qaraǵandy oblysynyń jáne Jezqazǵan qalasynyń Qurmetti azamaty Tólegen Búkirov kezinde S.Elemesovtiń shákirti bolǵan.
– Osydan 25 jyl buryn men tehnıka ǵylymynyń kandıdaty atanǵanymda, Sultekeń meni jumys ornyma arnaıy izdep kelip quttyqtady. Qolynda altyn saǵaty bar eken, sony maǵan kórimdik retinde syıǵa tartqan edi, – degen esteligimen bólisken T.Búkirov premeradan soń eldiń kóz aldynda araǵa shırek ǵasyr salyp, sol saǵatty Sultanbek aǵanyń atasy eńbek etken sehta jumys isteıtin nemeresi Abzaldyń qolyna qaıta taqty.
Aralarynan shyqqan maıtalman metallýrgtiń ómirin arqaý etken teatr ujymyn «Qazaqmys korporasııasy» JShS Jezqazǵantústimet óndiristik birlestiginiń bas dırektory Jasulan Baınııazov pen Jezqazǵan mys qorytý zaýyty dırektory Jasulan Baınııazov quttyqtady.
Eńbek adamyn dáriptegen drama aldaǵy ýaqytta teatr repertýarynan turaqty túrde oryn alatyn bolady.
Jezqazǵan qalasy
