29 jastaǵy qandasymyz atalǵan jarysqa deıin jartylaı orta salmaqtaǵy faıterlerdiń reıtınginde besinshi orynda turǵan. Al keıingi jarqyn jeńisinen keıin Rahmonov eki satyǵa joǵarlap, qazirgi kezde úshinshi oryndy enshileýde. Onyń aldynda – tek 36 jastaǵy Kamarý Ýsman men 35 jastaǵy Belal Muhammad. Olar AQSh-tyń týy astynda óner kórsetkenimen, ekeýiniń de shyqqan tegi múldem basqa. Atap aıtsaq, Ýsman Nıgerııanyń Aýchı qalasynda týyp ósti, al Belaldyń ata-analary – Palestınanyń týmalary.
Ázirge bul salmaqtyń chempıondyq ataǵy Leon Edvarsqa tıesili. Iаmaıkada dúnıege kelgen 32 jastaǵy «Rokkı» búgingi tańda Ulybrıtanııada turyp jatyr jáne de sol eldiń namysyn qorǵaýda.
