«Memleket basshysy «Qazaqstan Respýblıkasynyń keıbir zańnamalyq aktilerine qoǵamdyq birlestikter jáne eńbek jaǵdaılary zııandy jumystarda isteıtin adamdardy áleýmettik qorǵaý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy», delingen Aqorda habarlamasynda.
Qujat qoǵamdyq birlestikter men eńbek etý barysynda zııandy jumys atqaratyn adamdardy áleýmettik qorǵaý salasyndaǵy zańnamany jetildirýge baǵyttalǵan.
Zań eńbek etý kezinde zııandy jumys atqaratyn qyzmetkerlerdiń áleýmettik qamsyzdandyrylýyn arttyrýdy, jalaqynyń eń tómengi mólsherin belgileýdiń jańa ádistemesin engizýdi jáne qyzmetkerlerdiń jumysyndaǵy mindetin oryndaý kezinde jazataıym oqıǵadan saqtandyrý monıtorıngin qamtamasyz etýdi kózdeıdi.
Dálirek aıtqanda, zańnyń qabyldanýy qoǵamdyq birlestikterde ulttyq zańnamany jáne quqyq qoldaný tájirıbesin odan ári jetildirýge jáne jumys jaǵdaıynda zııandy isterdi atqaratyn adamdardy áleýmettik qorǵaýǵa yqpal etetin bolady.
