E.Qoshanov: Ulttyq sportqa qamqorlyq jasaý – perzenttik boryshymyz

Aldymen Májilis spıkeri, «Amanat» partııasynyń tóraǵa­sy Erlan Qoshanov Prezı­dent Qasym-Jomart Toqaevtyń «Altyn tuǵyr» syılyǵymen marapattaý rásimine qatysýshylarǵa joldaǵan quttyqtaý sózin oqyp berdi.

«Bul – ulttyń keleshegi, urpaqtyń tárbıesi úshin aıryqsha máni bar oqıǵa. Tól ónerimizde qazaqtyń tarıhy, mádenıeti, ádet-ǵurpy men salt-dástúri túgel kórinis tapqan. Ulttyq oıyndarymyz halqymyzdyń otanshyldyq, adaldyq, jaýapkershilik, qaı­sarlyq, eptilik sııaqty qasıet­teriniń urpaqtan-urpaqqa jal­ǵasýyna septigin tıgizip keledi. Uly dalany dúbirletken kósh­peliler mádenıetin zaman talabyna saı beıimdep, jańǵyrtý ultymyzdyń bolmysyn jáne biregeıligin saqtaýǵa yqpal etedi. Osy oraıda ulttyq oıyndar­ǵa janashyrlyq tanytyp, ony dáriptep júrgen azamattarǵa shynaıy rızashylyǵymdy bildiremin», delingen Memleket basshysynyń quttyqtaýynda.

О́z sózinde partııa tóraǵasy memleket sport salasyn órken­detýge meılinshe nazar aýdaryp, qamqorlyq tanytyp kele jatqanyn atap ótti.

«Amanat» partııasy da ulttyq qundylyqtarymyzdy, ulttyq sportymyzdy jańǵyrtyp, damy­týǵa barynsha qoldaý kórsetip keledi. Tipti partııanyń tu­ǵyr­namasy men saılaýaldy baǵ­darlamasynda bul sala negizgi basymdyq retinde kórsetilgen. Búgingi «Altyn tuǵyr» baıqaýy da bizdiń partııamyzdyń qoldaýymen uıymdastyrylyp otyr. Ult­tyq sport degenimiz – qazaqtyń jany, qazaqtyń rýhy. Al oǵan qamqorlyq jasaý halqymyzdyń aldyndaǵy perzenttik boryshymyz dep bilemin», dedi Erlan Qoshanov.

Sondaı-aq ol kelesi jyly elimizde ótetin Besinshi dúnıe­júzilik kóshpeliler oınyn ulttyq rýhymyzdy kóteretin tarıhı oqıǵa ekenin aıtyp, 100-den asa memlekettiń sportshylary bas qosatyn álemdik dodanyń tabysty ótetinine senim bildirdi.

Marapattaý rásiminde Týrızm jáne sport mınıstri Ermek Marjyqpaev, Astana qalasynyń ákimi Jeńis Qasymbek, Ulttyq sport qaýymdastyǵynyń prezıdenti Islambek Saljanov sóz sóılep, jeńimpazdarǵa ulttyq syılyqty tabys etti.

Osylaısha, «Altyn tuǵyr» ulttyq syılyǵy «Kókpar», «Báıge», «Dástúrli sadaq atý», «Aýdaryspaq», «Jamby atý», «Teńge ilý», «Asyq atý», «Toǵyz­qumalaq», «Qusbegi» jáne «Joryq» syndy 10 atalym boıynsha úzdik sport sańlaqtaryna berildi.

Atap aıtqanda, «Kókpar» ata­lymy boıynsha syılyqty Qazaqstannyń 13 dúrkin chempıo­ny, halyqaralyq týrnırlerdiń jeńimpazy «Áýlıe ata» kókpar komandasy ıelendi. «Aýdaryspaq» atalymynda syılyqqa 70 kg salmaqta tuńǵysh Álem chempıony Muhametjan Saılaý laıyq dep tanyldy. «Jamby atý» atalymynda Qazaqstan chempıony, Álem kýboginiń kúmis júldegeri, Jastar arasyndaǵy Álem chempıony Batyr Beksaýyt marapattaldy. «Teńge ilý» atalymy boıynsha syılyq Azııa jáne Qazaqstan chempıony Beknur Serikovke buıyrdy. «Asyq atý» atalymynda syılyqty Qazaqstan jáne Eýropa kýboginiń ıegeri, Ulttyq sport túrleri festıvali­niń jeńimpazy Pavlodar oblysy­nyń qurama komandasy aldy. «Dástúrli sadaq atý» atalymy boıynsha Álem kýboginiń eki dúrkin, Qazaqstannyń úsh dúrkin chempıony Aıaýlym Appazova marapattaldy. «Toǵyzqumalaq» atalymy boıynsha syılyq Azııa chempıony Janat Qaımoldınge tabystaldy. «Joryq» atalymy boıynsha syılyqty «Uly dala joryǵy – 2023» marafon-báı­gesiniń jeńimpazy Jetisý obly­synyń komandasy ıelendi. «Qusbegi» atalymy boıynsha syı­lyq halyqaralyq týrnırdiń jeńimpazy Armanbek Kúntýǵanǵa bu­ıyrdy. «Báıge» atalymy bo­ıyn­­sha syılyq respýblıkalyq týr­nır­lerdiń birneshe dúrkin je­ńim­pazy Bekzat Dildahan jáne «Sekret» esimdi tulparǵa berildi.