Vedomstvo basshysy bul eń aldymen el Prezıdentiniń naqty ári tıimdi sheshimderiniń arqasynda múmkin bolǵanyn atap ótti.
«Qasym-Jomart Kemelulynyń jyl basynan beri ártúrli halyqaralyq jáne respýblıkalyq sharalardan bólek, qoǵam máselelerin erekshe qordalaǵan Ulttyq Quryltaı men dástúrli Joldaýynda kótergen bastamalary salamyzǵa tyń serpilis berdi. Qalyptasqan rýhanı, aqparattyq jaǵdaıǵa tikeleı áser etetin birqatar mańyzdy ári qajetti zań men nomartıvtik akti qabyldandy. Qoǵamnyń ıntellektýaldyq, shyǵarmashylyq, zaıyrly ortasyn kótermeleý maqsatynda Prezıdent tarapynan naqty qadamdar jasalyp, úlken motıvasııalyq qoldaý kórsetildi», dedi mınıstr.
Onyń aıtýynsha, bul baǵyttaǵy barlyq máseleni júıeli ári tıimdi sheship otyrý úshin Memleket basshysy osy jyldyń qyrkúıek aıynda Mádenıet jáne aqparat mınıstrligin qaıta qurý týraly saıası sheshim qabyldady.
«Jalpy mınıstrliktiń qyzmeti memleket pen qoǵam úshin aýqymdy, mańyzdy aqparat, mádenıet, azamattyq qoǵam, ultaralyq qatynas, din jáne jastarmen jumys sııaqty salalardy qamtıdy», dedi A.Balaeva.
