«Otbasy bank» senimdi agent ekenin taǵy da dáleldedi

Keleshekke senim, eldiń damýyna serpin beretin ıgi bastamalardyń nátı­je­sin ýaqyt bezbendeı jatar. Oǵan deıin jyl­dyń aıaqtalýyna oraı, «Otbasy bank» AQ basqarma tóraǵasy Lázzat Ibra­gımova bank­tiń qoǵamdyq keńesi múshe­lerimen kezdesip, kókeıkesti máse­leler jóninde pikir almasqanyna toq­ta­la keteıik. О́ıtkeni jyl ótken saıyn­ mem­lekettik baǵdarlamalar arqyly úıli bolýdy kózdeıtin jandardyń sany kóbe­ıip keledi, saýaldary da jetkilikti. Bir jaǵy­nan bank jetekshileri qoǵamdyq keńes músheleriniń usynystaryna qulaq asa otyryp, salymshylardyń múd­­desine naq­ty jumys istep otyr­ǵan jobalar bar. Oqyrman úshin «Otbasy bankke» tul jetim­der men múgedekterdi, múmkindigi shekteýli bala tárbıelep otyrǵan jáne kóp­balaly otbasylardy baspanaly etý tetikterin jetildire túsý amanattalǵanyn aıtý lázim.

Banktiń qoǵamdyq keńesiniń quramyna múge­dek balalary bar nemese olardy tárbıelep otyr­ǵan­ otbasylardy qol­daý men kómek kórsetýdiń turaqty damýy­ jónin­degi «Baqytty shańyraq» qaıy­rymdylyq qorynyń je­tek­shisi, Birik­ken rıeltorlar qaýym­dastyǵy prezı­den­tiniń keńesshisi, rıeltor-sarapshy, stra­te­gııalyq kommýnıkasııalar jónindegi sarap­shy, jýrnalıster, blogerler jáne áleýmettik belsendiler bar. Bul jolǵy jıynǵa sarapshy retinde «Úndemeı qoıma, jetim» qoǵamdyq qorynyń birin­shi­ jetekshisi Rýslan Turysbekov te shaqy­ryl­dy. Ol Turǵyn úı-kommýnaldyq ınfra­­­qurylymdy damytýdyń 2026 jylǵa deıingi tujyrymdamasyna jetim bala­lar­dy qosý máselesin sóz etti.

Sondaı-aq banktiń basqarma tóraǵasy baspana kezeginde tur­­ǵandar sany jyl saıyn artyp kele jatqanyn, mem­le­­ke­ttik baǵdar­la­malardyń sharttary ózge­rip jatqanyn, bank jańa jobalardy engi­zip jatqanyn, sondyqtan halyqpen ashyq qarym-qatynas ornatyp, aqparatty ýaq­tyly jetkizip otyrý úshin qoǵamdyq keńes­pen tyǵyz baılanysta bolýǵa múd­de­li ekenin atap ótti.

Bank basshysy qoǵamdyq keńes múshe­lerine aldymen ıpotekalyq nesıe­leý naryǵyndaǵy syrtqy jáne ishki talap­tar­ǵa berilgen baǵa esebin baıandady. Joǵa­ry­da atap ótkendeı, ótip bara jatqan jyl­da aıtarlyqtaı ózgeris joq. Jalpy, ıpo­te­ka­lyq naryqtaǵy «Otbasy banktiń» úlesi 56% bolsa, bul – 3 trln 148 mlrd teńge.

L.Ibragımovanyń aıtýynsha, 2023 jyl­dyń 1 jeltoqsanyna deıin 874 mlrd teńge kóleminde nesıe berilse, bul ótken jylmen salystyrǵanda 20-25%-ǵa az jáne munyń maqsatty túrdi jasalyp jat­qanyn aıta ketý kerek, óıtkeni eldiń qara­jat jınap úırengeni jón. Endigi jerde jurt ıpoteka alýǵa qajetti somanyń 50%-yn quıyp, ertesine zaem ala almaı­dy. Demek, budan bylaı tur­ǵyn úı jınaǵy belgili merzimde jı­naq­ta­lyp, depozıt shotta jatýǵa tıis. Qa­zir salymshylardyń kóp­shi­ligi ta­lap­­tyń ózgergeninen habar­dar­ jáne oǵan degen kózqarasy da du­rys­.

Banktiń qarjylyq kórset­kish­teri de kóńilden shyǵady. Búginde «Otbasy bank» barlyq bank arasynda alǵashqy úshtiktiń ishinde, ıaǵnı barlyq koeffısıent Ulttyq banktiń normatıvterinen birneshe ese asyp túsedi. Osy arada «Otbasy bankti» basqa bankterden daralaıtyn jáne erekshe qýantatyny – banktiń aktıvter port­felindegi ıpote­kalyq nesıelerdiń úlesi eń joǵary bolǵanyna qaramastan, bank sektorynda merzimi 90 kún­nen asqan, ýaq­tyly tólenbegen qaıtarymsyz qaryz­dar kólemi boıynsha eń tómen kór­set­kishke ıe ekenine toqtala ketken jón. О́zge ekinshi deńgeıli banktermen salys­ty­ratyn bolsaq, bul kórsetkish «Otbasy ban­kinde» 36,5 ese tómen.

Bıyl banktiń Almaty jáne Ulytaý oblystarynda jańa bólimsheleri ashyldy. Búkil elde qarjy qurylymynyń 124 keńes berý ortalyǵy bar. О́ıtkeni «Otbasy bank» klıent­teriniń arasynda júzbe-júz keńes al­ǵan­dy qolaıly kóretin otandas­ta­rymyz jeterlik. Buǵan qosa salymshylardyń «Otbasy bankti» tańdaýynyń da ózindik syry bar. Jurt úıli bolý úshin qarajat jınaqtaı otyryp, memleket tarapynan jyl saıyn beriletin syıaqy esebinen aqshasyn eselep otyrǵanyn túsinedi.

Degenmen halyqty baspanamen qam­­t­a­­masyz etý kórsetkishi asa kóńil kón­shit­peı­­di, páterler burynǵydaı búkil eldegi árbir23,4 adam­nyń bireýine buıyryp tur. Mu­ny demografııamen baılanys­tyrý qa­jet. Aıtqandaı, «Otbasy bank» bıyl 20 mıl­­­lıonynshy bolyp dúnıege kelgen bes bir­­deı sábıge bankte depozıt ashý úshin 2 mln teńgeden berdi.

– Bizdińshe, aldaǵy jyldary­ da salym­shylardyń sany kóbeıe qoı­maı­dy. Eger «Otbasy bankte» eli­mizdiń eko­no­mıkalyq turǵyda bel­­sendi 10 mln­ turǵynnyń 2,5 mıl­­lıony salymshy bolsa, onyń árbir úshinshi adamy – Qar­jy­ qurylymynyń klıenti degen sóz. 2023 jyly Ulttyq banktiń bazalyq mól­sher­lemesi joǵary boldy jáne biz bos qara­ja­tymyzdy tek Ulttyq banktiń notalary men memlekettik baǵaly qaǵazdarǵa orna­lastyrdyq. Osy arqyly alǵash ret 100 mlrd teńgelik mejeni baǵyndyrdyq. Bıyl­ǵy qańtar-qarasha aılaryndaǵy taza paıda 139 mlrd teńgege jetti. Jyl sońyna deıin paıda 148 mlrd teńgege deıin artady dep josparlap otyrmyz, – deıdi «Otbasy bank» basshysy.

Bank basshysy bıyl banktiń maq­sat­­ty­ toptary qıyndyqtarmen betpe-bet kel­ge­nin jasyrmaıdy. Qysqasy, halyq­tyń tó­lem qabileti 10%-ǵa tómen­de­genin aıta kele: «Ulttyq statıstıka bıýro­synyń máli­­metinshe, jalaqysy 250 myń teńge nemese odan da tómen adam­dar tabystarynyń 50%-dan astamyn tamaqqa jumsaıtynyn alǵa tartyp otyr. Biz muny kádimgideı se­zin­dik. Bıyl alǵash ret turǵyn úı qurylys jı­naq keli­sim­sharttary boıynsha aqsha aǵy­ny 2022 jylǵa qaraǵanda tómen boldy», deıdi.

Degenmen «Otbasy bank» «Dıp­­­lom­­men – aýyl­ǵa!» jobasynda da mem­lekettiń senim­di­ agenti eke­nin kezekti ret dáleldedi. «Umaı» baǵ­dar­lamasy boıynsha da 3 500 áıel adam úıli boldy. Bank jas­tar baǵ­dar­­la­mary bo­ıyn­sha ákim­dik­ter­men ǵana emes, mono­qala­lar­men de ju­mys isteýge kóshti.

Al Jańa jyldan bastap júzege asa bastaıtyn «Ulttyq qor – bala­lar­ǵa» jobasynyń mańyzy orasan. Mem­leket balalardyń keleshekte bi­lim alyp, úıli bolýy úshin qol­daý­ kórsetýdi kózdep otyr. Al jo­ba­­nyń operatory – «Otbasy bank» osy­ betten baǵdarlamany aýqymdy túr­­de túsindirý jumystaryn júr­gi­­zip­ otyr.

Qoryta aıtqanda, bıyl «Otba­sy bank» 62 300 zaım berse, jyl sońyna deıin bul san­ 70 myń zaımǵa jetip qalýǵa tıis degen jos­par bar. Degenmen bul 2021 jáne 2022 jyl­darmen salystyrǵanda 10-12%-ǵa az. Sebebi «Otbasy banktiń» jınaq­taý­ saıasaty óz­ger­di, memleket tarapynan da talaptar kúsheıdi.

Sondaı-aq qoǵamdyq keńestiń kezek­ti otyrysy barysynda osy­dan birneshe jyl buryn otan­das­ta­rymyzdyń bir bóligi birjolǵy zeı­netaqy tólemderin «Otbasy ban­kindegi» depozıtke aýdarǵany týra­ly sóz qozǵaldy. Alaıda bar bol­ǵany úsh jyl aıasynda salymshy­lar bas­pana alýǵa qajetti somany­ jı­naqtap úlgermeıtindikten, Úki­met­ke onyń merzimin 7 jylǵa deıin uzartý máselesi usynylǵany tal­qy­landy. Osy máselede úsh mem­lekettik organ úsh jylda kádege aspaǵan depozıtti BJZQ-ǵa qaı­ta­rý­dy qoldasa, eki quzyrly mekeme buǵan qarsy. Sondyqtan «Otbasy bank» AQ basqarma tóraǵasy Lázzat Ibragımova bul áli de pysyq­taýdy qajet ete túsetin sa­ýal bol­ǵan­dyq­tan, qoǵamdyq keńes múshe­lerimen osy máseleni holdıng oty­rysynda kó­te­rýge ýaǵdalasty.

ALMATY