Foto: otyrar.kz
«Altyn orda» art - galereıasynyń negizin qalaýshy Bolatbek Beıisbekovtiń otbasy 10 jyldan beri jańajyldyq shyrshany qazaqy naqyshta bezendirýdi dástúrge aınaldyrǵan. Qolóner sheberleri jasyl shyrshany árleýge arnalǵan sandyq, láńgi, asyq, ulttyq aspaptar, kıiz úı men jyl ıeleriniń oıynshyq kishi kóshirmelerin ózderi arnaıy daıyndaǵan.
Bolatbek Beıisbekov zamanaýı suranystarǵa ulttyq qundylyqtarymyzdy ıkemdeý arqyly jaýap bersek urpaq tárbıesinde ótkenimiz umytylmaıdy, kerisinshe óshkenimiz janady degen pikirdi ustanady.
«Jyl saıyn jańa jyl qarsańynda 4 metrlik jasyl shyrshany etnostılde bezendiremiz. Shyrshany sándeýge nemerelerim men otbasy músheleri túgel qatysady. Osy prosess barysynda ár oıynshyq kóshirmeniń tarıhyn, qoldanylý ornyn áńgimelep beremin. Sondaı-aq shańyraǵymyzǵa kelgen qonaqtar da ulttyq kodymyz bolyp bederlengen sándik buıymdarmen jaqyn tanysa alady. Munda ilingen ár oıynshyqtyń astarynda izgi tilek jatyr. Máselen, myna aǵash oryndyq jańa jylda ár úıde qutty qonaq úzilmesin degendi ańǵartsa, dóńgelek pishindi aǵash ústel dastarhanymyz mol bolsyn degen nıetpen ilingen», deıdi B.Beıisbekov.
Qolóner sheberleri bul bastamaǵa ár otbasy qoldaý bildirip, merekege osyndaı ulttyq sıpat berse jas býynnyń sanasy da sergek bolatynyn aıtty.
