«Bıylǵy kóktemde Tashkentte ótken álem chempıonatynda 4 altyn 1 kúmis medal oljaladyq. Kúzde Hanchjoýdaǵy jazǵy Azııa oıyndarynda kózdegen mejeden kórine almadyq. Jeńilistiń san túrli sebebi bar. Ár boksshynyń kemshiligin, qateligin jete bilemiz. О́zderine bul jaıynda aıtyldy da. Olımpıadalyq sıklǵa tórt jyl daıyndyq júrgiziledi. Biz bir jarym jyldaı ýaqyttyń ishinde komandany nyǵaıtyp, kúsheıtýge kúsh saldyq. Endigi maqsatymyz aıqyn: kelesi jyly eki birdeı lısenzııalyq týrnır bar. Sol dodada joldama oljalap, Parıj Olımpıadasyna tyńǵylyqty daıyndalý. Bári de tek eńbekpen ǵana keledi. Fransııa tórinde ótetin tórtjyldyq dodasynda Ánuranymyzdy shyrqatýǵa barymyzdy salamyz», dedi M.Aıtjanov.
