Qarjy mınıstrliginiń qyzmetkerleri bıyl úsh-tórt jalaqy kóleminde jańajyldyq syıaqy alýy múmkin. Bul týraly Erulan Jamaýbaev májilis otyrysynan keıin tilshilerdiń saýalyna jaýap berý aıasynda aıtty.
«Bizdiń mınıstrlikte óńirler bólek alady, ortalyq apparat - bólek. Meniń oıymsha, 3-4 jalaqy mólsherinde syılyqaqy bólingen shyǵar», dedi Erulan Jamaýbaev.
Sondaı-aq vıse-mınıstr qyzmetkerlerge jańa jyldyq syıaqy berý tártibin túsindirdi.
«Barlyq is-sharadan keıin – satyp alý, jalaqy tóleý - árbir memlekettik organda qandaı da bir únemdelgen qarjy qalady. Zańda qarastyrylǵan, eger az mólsherde únemdelgen qarjy bolsa, ony syıaqy túrinde bere alady. Bul qyzmetkerler arasynda jaı ǵana bóline salmaıdy, syıaqy mólsherin anyqtaý jáne bul syılyqaqylardy berý erejeleri bar. Erekshe jumystar, kúrdeli jumystar, jumystan tys ýaqyttaǵy qyzmeti úshin. Sondyqtan munyń bári zań boıynsha – árbir memlekettik organ derbes bóledi», dedi Qarjy mınıstri.
