Týrızm • 27 Jeltoqsan, 2023

Túrkistan qalasy Túrki elderiniń týrıstik astanasy atandy

420 ret

kórsetildi

1 mın

oqý úshin

Búgin Ázerbaıjanda ótken «Shamahı – Túrki áleminiń týrızm astanasy 2023» is-sharasynyń jabylý rásiminde Túrkistan qalasyna Túrki áleminiń 2024 jylǵy týrızm astanasy ataǵy berildi. Resmı mártebeni alý saltanatyna óńirden arnaıy delegasııa qatysty, dep habarlaıdy Egemen.kz oblys ákiminiń baspasóz qyzmetine silteme jasap.

Shyńǵys MUQAEV

Túrkistan qalasy Túrki elderiniń týrıstik astanasy atandy

Foto: gov.kz

«Biz úshin tarıhı ári qýanyshty sát. Bul sheshim túrkitildes elderdiń týrızm baǵytyndaǵy qarym-qatynasyn nyǵaıtýǵa aıryqsha serpin beredi. Túrkistan oblysyndaǵy tarıhı-tanymdyq týrızmnen bólek, emdik-saýyqtyrý jáne ekologııalyq týrızm baǵytymen sizderdi tanysýǵa shaqyramyz», dedi oblystyq qoǵamdyq damý basqarmasy basshysy Erlan Kúzembaev.

Eske salsaq, Túrki Memleketteri uıymy elderindegi týrızm máselelerine jaýapty mınıstrlerdiń bıyl qazan aıynda Túrkistanda ótken VIII otyrysynda Túrkistan – Túrki memleketteriniń 2024 jylǵy týrıstik astanasy retinde belgilengen.

Aıta ketsek, Túrki Memleketteri Uıymy (TMU) tarapynan Ázerbaıjannyń Shamahı qalasy 2023 jyly túrki áleminiń týrızm astanasy bolyp, kóptegen ıgi bastamalardy iske asyrǵan. Atalǵan resmı mártebe bıyl Túrkistan qalasyna tıesili boldy.