О́nertapqyshtyń aıtýynsha, elektrondy taqta jastar arasynda soıylǵan qoıdy jilikteýdi nasıhattaý maqsatynda qurastyrylǵan. Taqtaǵa qoıdyń beınesi salynyp, ár jiliktiń ataýy kórsetilgen. Ár jiliktiń ataýy bar núkteni basqanda, onyń qaı tabaqqa salynatyny týraly jaryq janady.
«Qoıdy jilikteý burynnan kele jatqanymen, jastardyń deni ony bilmeýi múmkin. Tabaq tartý da umytyla bastady. Muny jastarǵa úıretýimiz qajet. Sol sebepten, jas býynnyń qyzyǵýshylyǵyn oıatý úshin Arduino baǵdarlamasyn qoldaný arqyly «Qazaq dastur board» jobasymen eki elektrondy taqta daıyndadym. Birinshi taqtada qoıdy jilikteý, ekinshisinde tabaq tartý ádisin usyndym», deıdi Qýanysh Shalabaev.
Onyń jobasyna qyzyǵatyndar kóp. Odan elektrondy taqtany suraýshylar da bar. Jergilikti ónertapqyshtyń bul jobasy ózge óńirlerge taratýǵa suranyp-aq tur.
Atyraý oblysy
