«Asaýǵa tusaý»

Kórermen zalyna kirgen bette beıne bir Shekspır ómir súrgen XV-XVI ǵasyrǵa tap bolǵandaı kúı keshtik. Sahna sýretshileri sol zamannyń klassısızm stılindegi sáý­let ónerin ábden zerttep baryp iske kiriskenge uqsaıdy. Tarıhty paraqtasaq, «Asaýǵa tusaý» komedııasy teatr sah­nasyna 1948 jyly shyq­qan eken. Sodan beri bul qoıy­lym barlyq býyndaǵy ak­terlerdiń sheberlikterin shyń­dap keledi. Spektakldiń qoıýshy-rejısseri Barzý Ab­dýrazzakov 500 jyl buryn jazylǵan pesanyń áli de ózekti ekenin aıtady.

– Bul qoıylymǵa asa ja­ýapkershilikpen daıyndaldyq. Akterler daıyndyq kezinde baryn saldy. Kórermenniń kóńilinen shyǵady dep oılaımyn. Aıta keteıin, Ý.Shekspır bul shyǵarmasyn 28 jasynda ǵana jazyp, máńgilik dúnıe qaldyrdy, – deıdi Tájikstannyń eńbek sińir­gen qaıratkeri Barzý Abdý­ra­azzakov.

Italııanyń Padýıa qala­synda órbigen oqıǵaǵa toqtalyp óteıik: apaly-sińili qyzdardyń biri Bıanka bııazy, meıirimdi, kishipeıil bolsa, Katerınanyń minezin adam túsinip bolmaıdy. Shappa-shap ketýge ázir turady. Ákeleri Baptısta bol­sa, Bıankaǵa ǵashyq bolǵan jigit Lıýchensıoǵa aldymen Ka­terınany kúıeýge berýim kerek dep shart qoıady. Qyzý­­­qandy qyzǵa qaıbir jigit qy­zyqsyn. Aqyry amalyn tapqan Lıýchensıo tákappar, ór­kókirek Petrýchıoǵa baryp, aýqatty otbasynda minezi shaıpaý qyz baryn aıtady. Alǵan betten qaıtpaıtyn Pe­trýchıo Bıankaǵa sóz salyp qana qoımaı, óz degenine kón­dirip, «betegeden bıik, jýsannan alasa» etip tárbıeleıdi. Kerisinshe, salıqaly degen Katerına kúıeýiniń shaqyr­týy­na kelmeı yńǵaısyz jaǵdaıǵa qaldyrady...

Jýyqta ǵana kórermenge jol tartqan spektakl kóp­shilikke oı salyp, sanadaǵy san suraqqa jaýap berýi múmkin.

О́skemen