Jańa jyldan jaqsylyq kútemiz

Beksultan Nurjekeuly,

Qazaqstannyń halyq jazýshysy:

– Qazaqta «Eski jylym – esirke, jańa jylym jarylqa» degen tilek bar. О́tip bara jatqan eski jyl óz basymdy esirkedi dep oılaımyn. El-jurtyma, otbasyma, densaýlyǵyma aıtar ókpem joq. Memleketimiz eńbegimdi baǵalap, «Qazaqstannyń halyq jazýshysy» degen ataq berdi. Bul ataqtyń aty jaqsy. «Halyq jazýshysy» degen – «halyqtyń adamy, azamaty» degen qadirli sóz. Odan keıin jańadan qu­rylǵan Jetisý oblysynyń «Qur­metti azamaty» atandym. Osy­nyń bári – eldiń qurmeti dep bilemin.

Jaqynda Táýel­sizdik kúni merekesinde Prezıdent Qasym-Jomart Toqaevtyń baıanda­ma­syn tyńdadym. Sonda Mem­le­ket bas­shysy jyl boıy atqa­ryl­ǵan ju­mystarǵa toqta­lyp, qory­tyn­dy jasady. Osy ıgilikti sharany qoldaý re­tinde dástúrge aı­nal­dyrsaq, Táýel­sizdik mere­kesi aldynda jyl boıy ne iste­ge­nimizdi jurt­­shylyqtyń al­dynda jar­qy­ratyp aıtyp, el eń­sesin kóterýge jaqsy bir bastama bolar edi.

Jas urpaqty otansúıgishtikke, týǵan eldi, jerdi súıýge baýlý týraly jıi aıtamyz. Mysaly, ótken jyly eki úlken oqıǵa eskerilmeı qaldy. Halqymyz «budan keıin el bolyp qala ma, qalmaı ma?» degen aýyr kún týǵan «Aqtaban shubyryndy, Alqakól sulama» atty qasiretke 300 jyl boldy. Osyǵan baılanysty elimizde kon­ferensııa ótip, merzimdi bas­pasózde ǵylymı, tarıhı maqa­lalar jarııalanýy kerek edi. Buǵan eshkim kóńil bólmedi. Bul – bizdiń kemshiligimiz. Ekinshi – áıgili Orbulaq shaıqasyndaǵy jeńisimizge 380 jyl toldy. Osy data Panfılov aýdany deńgeıinde atalyp ótil­di. Bul bir aýdannyń emes, res­pýblıkanyń mártebesin kó­te­retin is-shara edi. Biz mun­daı aıtýly oqıǵalardy umyt­paýy­myz qajet. О́ıtkeni osyndaı qur­bandyqpen jetken táýel­sizdiktiń baǵasyn, qadirin, qa­sıetin keıingi urpaq biler edi. Aldaǵy jańa jyldan úlken úmit kútemin. Elimiz damýdyń dańǵyl jolyna tússe eken dep armandaımyn!

Erlan BATYRBEKOV,

ǵalym, Memlekettik syılyqtyń laýreaty, Ulttyq ıadrolyq ortalyqtyń bas dırektory:

– 2023 jyl jemisti boldy. Ǵylym men tehnıka salasyndaǵy asa úzdik jetistikteri úshin eki jylda bir ret beriletin Ál-Fara­bı atyndaǵy memlekettik syı­lyqtyń laýreaty atandyq. Meniń jetekshiligimmen Ult­tyq ıadrolyq ortalyqtyń av­tor­lar ujymy «Qazaqstan Res­pýblıkasynyń atom-energetıka salasyn qurýǵa jáne kómirtegi beıtaraptyǵyna qol jetkizý stra­tegııasyn iske asyrýǵa ar­nalǵan álemdik deńgeıdegi zert­­teýler men ázirlemeler» ju­mysy úshin osyndaı mártebeli ma­­rapatqa laıyq dep tanyldy. Bul syılyq bizdiń ujymǵa úl­ken jaýapkershilik júktedi, er­teńgi kúnge degen senimimizdi arttyrdy. Buǵan qosa jekelegen ǵa­lymdarymyz da joǵary deń­geı­degi túrli marapattarǵa qol jet­kizdi. Munyń barlyǵy ujymdy uıys­tyryp, aldaǵy aýqymdy is­ter­di atqarýǵa yntalandyra tús­keni anyq.

Qazir elimiz atom-energetıka salasyna erekshe mán berip otyr. Osy baǵytta eńbek etip júrgen ǵa­lymdarǵa úlken senim artyldy. Álemniń jetekshi ǵylymı uıymdarymen halyqaralyq yn­ty­maqtastyq belsendi damyp keledi. Prezıdenttiń ǵylym sa­­la­­­syna erekshe kóńil bólip otyr­­­­ǵanyn da erekshe atap ótken jón. Bıyl sonyń naqty je­misin kór­gendeı boldyq. Osy ba­ǵyttaǵy ju­mystar jalǵasa ber­se eken dep tileımiz. Jańa jyl­dan kúterimiz kóp. Joba-jos­parlarymyz da aýqymdy. So­nyń jemisin kórýdi násip etsin! 2024 jyl jaqsylyqqa toly jyl bolǵaı!

Dýlyǵa Aqmolda,

akter, Qazaqstannyń halyq ártisi:

– 2023 jyl teatr salasy bol­­syn, kıno salasy bolsyn óte tabysty boldy. Jas aqyn-ja­­zýshylardyń kitaptary ja­ryq kórip, birqatar derekti fılm ekranǵa shyqty. Ásirese teatr jáne kıno salasyndaǵy jas rejısserler men akter­ler­­diń halyqaralyq festıval­derde top jarýy meni qatty qýan­tady. Osynyń bári memle­ketimizdiń mádenıetke erekshe kóńil bólip otyrǵany dep sanaımyn.

Otyz jyldan asa M.Áýezov atyndaǵy Qazaq memlekettik aka­demııalyq drama teatrynda eńbek etip kelemin. Bıyl biz­diń teatr sahnasynda 5-6 qoıy­lymnyń premerasy ótti. Bul týyndylardy kórermender óte jyly qabyldady. Keshe ǵana «Asyltas» qoǵamdyq qorynyń qoldaýymen «Asyltas» teatr­y ashylyp, alǵashqy premerasy boldy. Onda men de oınadym.

Jańa jyldan kúterimiz kóp. Ásirese dástúrli ónerimiz shet­qaq­paı bolyp qalmasa eken deımin. Dástúrli óner – ult­­tyń rýhy dep túsinemin. Son­daı-aq oblystyq teatrlarda qyz­met isteıtin akter­lerdiń materıaldyq jaǵdaıy, jalaqysy tómen. Sondyqtan  onda kásibı akterler kóp tu­raqtamaıdy. Osy máselege nazar aýdarylsa eken. Jańa jyl elimizge qut-bereke ákelsin!

Daıyndaǵan –

Azamat ESENJOL,

«Egemen Qazaqstan»