Ashyq derekkóz
2024 jyldyń 1 qańtarynan bastap, Qatonqaraǵaı aýdanynyń ákimshilik ortalyǵy Úlken Naryn aýylynan Qatonqaraǵaı aýylyna kóshiriletin boldy. Sol sekildi Kúrshim aýdanynyń quramynan bólý jolymen Marqakól aýdany qurylady.
«Qazaqstan Respýblıkasynyń ákimshilik-aýmaqtyq qurylysy týraly» Qazaqstan Respýblıkasy Zańynyń 9-babyna sáıkes QAÝLY ETEMIN:
- Shyǵys Qazaqstan oblysy Qatonqaraǵaı aýdanynyń ákimshilik ortalyǵy Shyǵys Qazaqstan oblysy Qatonqaraǵaı aýdanynyń Úlken Naryn aýylynan Qatonqaraǵaı aýylyna kóshirilsin.
- Shyǵys Qazaqstan oblysynyń quramynda:
1) Qatonqaraǵaı aýdanynyń quramynan bólý jolymen ákimshilik ortalyǵy Úlken Naryn aýylynda ornalasatyn Úlken Naryn aýdany;
2) Kúrshim aýdanynyń quramynan bólý jolymen ákimshilik ortalyǵy Marqakól aýylynda ornalasatyn Marqakól aýdany qurylsyn.
- Abaı oblysynyń quramynda:
1) Úrjar aýdanynyń quramynan bólý jolymen ákimshilik ortalyǵy Maqanshy aýylynda ornalasatyn Maqanshy aýdany;
2) Semeı qalasynyń quramynan Abyraly, Aınabulaq, Aqbulaq, Alǵabas, Ertis, Novobajenovo, Ozerka, Prırechnyı, Jıenáli, Dostyq, Qaraóleń, Kókentaý aýyldyq okrýgteri men Shúlbi, Shaǵan kentterin bólý jolymen ákimshilik ortalyǵy Semeı qalasynyń aýmaǵynda ornalasatyn Jańasemeı aýdany qurylsyn.
- Ortalyq memlekettik organdar, Shyǵys Qazaqstan jáne Abaı oblystarynyń jergilikti ókildi jáne atqarýshy organdary ortalyq memlekettik organdardyń tıisti aýmaqtyq bólimsheleriniń, jergilikti ókildi jáne atqarýshy organdar men uıymdardyń irkilissiz jáne tıimdi jumys isteýin qamtamasyz etý jóninde sharalar qabyldasyn.
- Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
- Osy Jarlyq 2024 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Prezıdenti Qasym-Jomart Toqaev.
Katonqaraǵaı jáne Marqakól turǵyndary Memleket basshysy Jarlyqqa qol qoıǵanyn estı sala tize qosysyp, Prezıdentke alǵystaryn jetkizdi.
– Qurmetti Qasym-Jomart Kemeluly, bizdi siz qýanyshqa bólep otyrsyz. Katonqaraǵaı jeke aýdan boldy. Sizge zor alǵysymyzdy aıtamyz! – dedi aýdan turǵyny, ardager jýrnalıst Jánibek Qyzyr.
Shyǵys Qazaqstan oblysy
