Sýretti túsirgen – Tileýbek Shaıahmet
Aıaz ata saltanatty rásimge ózimen birge kúni-túni saraıyn ártúrli dushpan men jaýyzdan qyraǵylyqpen qorǵaıtyn qazaq halyq ertegilerindegi turaqty seriktes batyrlaryn erte kelipti. Aıaz atany týǵan kúnimen quttyqtaýǵa ár elden ertegi keıipkerleri kelgen eken.
Merekege jınalǵan balalar Aıaz ata men Aqshaqardy, Santa Klaýs pen Laplandııadan kelgen elfterdi, aıdaharlarymen kelgen qytaılyq Aıaz ata Shan Dan Laojendi qol soǵyp qarsy aldy. Sodan keıin Aıaz atanyń qalalyq rezıdensııasynyń saltanatty ashylýy ótti. Uıymdastyrýshylardyń aıtýynsha, onyń týǵan úıi Katonqaraǵaı aýdanyndaǵy Korobıha aýylynda ornalasqan. Al munda oblys ortalyǵyndaǵy Aıaz ata rezıdensııasy etnoparkte ornalasady.
Rezıdensııanyń ishinde shaı, tátti-dámdiler satatyn saýda núkteleri, poshta jáne Aıaz atanyń jumys orny, ekinshi qabatynda onyń jatyn orny ornalasqan. Sodan keıin Aıaz ata kópshilik qonaqtarymen birge Respýblıka alańyna bet aldy. Munda Aıaz atalar men Aqshaqarlardyń sherýi bolyp, olar basty alańda sappen júrip ótti.
Aıaz ata men balalar Shyǵys Qazaqstan oblysynyń bas shyrshasyn jaǵý rásimin ótkizip, jańa jyldyq shyrshany aınala qol ustasyp án shyrqap, bı bıledi. Merekelik kesh oblystyń túrli ujym ártisteriniń oryndaýyndaǵy mýzykamen, ándermen jáne bı ónerlerimen jalǵasty.
О́SKEMEN
