Sý qoımasyndaǵy tehnıkalyq kópir

Memleket basshysynyń tapsyrmasy dereý qolǵa alynyp, 2020 jyly arman bolǵan kópir qurylysynyń qazyǵy qaǵyldy. Qarqyndy jumys nátıjesinde qos jaǵalaýdan qarama-qarsy bas­talǵan tehnıkalyq kópir qury­ly­sy Samar – Kúrshim aýdan­­dary­­nyń shekarasynda túıisti. Qos aýdan­nyń jurty árli-ber­li kópir­men ótip, arqa-jarqa bolysty.

Eskerte keteıik, ýaqytsha kópir tek tehnıkalardy, qural-jabdyqtar men mamandardy jumys ornyna úzdiksiz jáne jedel jetkizý úshin ashyldy. Jolaýshylardyń júrýine ruqsat etilmeıdi. Tehnıkalyq kópirdiń uzyndyǵy – 1 153 metr. Basynan aıaǵyna deıin 13 qurylys alańy bar.

Kúni keshe Shyǵys Qazaqstan oblysynyń ákimi Ermek Kósher­baev kestege sáıkes júrgizilip jatqan jumystardyń barysymen tanysty.

– Kópir Memleket basshysy­nyń tapsyrmasy boıynsha salynyp jatyr. Erteńgi kúni logıs­tıkany, týrızmdi, shaǵyn jáne orta bıznesti damytýǵa múmkindik beredi. Qazirdiń ózinde munda jaqyn mańdaǵy aýyldardyń turǵyndary jumys istep, jańa jumys oryndary ashylyp jatyr. Kópirdiń bárimiz úshin, birinshi kezekte, shalǵaıdaǵy shekaralas aýdandarymyz; Kúrshim, Zaısan jáne Tarbaǵataı aýdandarynyń turǵyndary úshin mańyzy zor. Men bul strategııalyq mańyzdy jobany 2024 jyly aıaqtaıtynymyzǵa senimdimin, – dedi Ermek Kósherbaev.

Qos jolaqty avtomobıl kópiri Kúr­shim aýdanynyń Quıǵan aýyly­nyń tusyndaǵy eni eń kishi ýchaskesinde salynyp jatyr. Degenmen, bul Qazaqstandaǵy eń uzyn kópir bolady.

Qazirgi ýaqytta 18 tirektiń 12-si ornatylyp, alty tirekti ornatý jumystary júrgizilip jatyr. Budan basqa, kirme joldar, sý ótkizý qurylystary men aınalma joldar retke keltirilý bastalǵan.

– Eger búgingi tańda kezek kútý ýaqytyn eseptemegende, sý qoımasy arqyly parommen ótetin ýaqyt 40 mınýtqa sozylsa jáne parommen árbir júrip ótkeni úshin kóp aqsha tóleýge týra kelse, qurylys aıaqtalǵannan keıin sý qoımasyn eki mınýtta ǵana kesip ótýge bolady, – dep atap ótti Shyǵys Qazaqstan oblysynyń ákimi.

Búgingi tańda nysan res­pýb­­lıkalyq menshikke, ıaǵnı Avtomobıl joldary ko­mıtetine tapsyryldy. Qurylys ju­mys­tarynyń sapasy turaqty baqy­laýǵa alynǵan. Jol aktıv­teri sapasynyń ulttyq ortalyǵy 14 ret kelip, 20 synama synaqtan ótkizdi. Barlyq anyqtalǵan eskertý joıyldy. Turǵyndardyń da alǵysy sheksiz.

– Kópir kelesi jyly paı­dalanýǵa beriledi degendi estip, qýanyp jatyr­myz. Jumystyń qarqyndy júrgizilip jatqanyn kórdik. Qos jaǵalaýdan qury­lysy bastalǵan tehnologııalyq kópirdiń ortada túıisýi úlken jańalyq boldy. Bilýimshe, bul jumysty shırata túsedi. Kúrshim men Marqakól turǵyndary atynan Prezı­dentimiz Qasym-Jomart Kemel­ulyna alǵys aıta­myz! Jańa jyl elimizge jaqsy­lyǵymen ensin! – dedi Kúrshim aýdandyq ardagerler keńesiniń tóraǵasy Esmanbek Aqtekenov.

Jańa jyl qarsańynda Kúrshim jáne Samar aýdan­da­ry­nyń tur­ǵy­ndary birinshi bolyp, tehnolo­gııalyq ótkel bo­ıynsha bir jaǵa­laýdan ekinshi jaǵalaýǵa ótti.

Shyǵys Qazaqstan oblysy