Foto: turkystan.kz
«Prezıdent «Egemen Qazaqstan» gazetine keń kólemdi suhbat berdi. Muqııat oqyp shyqtym. Memleket basshysy qasiretti Qańtar oqıǵasyna baılanysty biraz nárse aıtypty. «...Sondyqtan bir nárseni anyq bilýge tıispiz. Beıbit sherýge tyıym salynbaıdy, al jappaı tártipsizdiktiń kez kelgen túrine qatań tosqaýyl qoıylady. Elimizde zań men tártip qana ústemdik qurýǵa tıis. Bul – men úshin myzǵymas qaǵıda. Demokratııanyń besigi sanalatyn batys elderine qarańyzdar, eshkim de kóshede jappaı tártipsizdik jasaǵan, memlekettik organdarǵa shabýyldaǵan adamnyń mańdaıynan sıpap, óbektep otyrmaıdy.
Polısııa jappaı tártipsizdikti uıymdastyrýshylardy, ıaǵnı bıliktiń zańdy talaptaryna qarsy shyǵýǵa úndegen, qarý-jaraq ákelip taratqan, jaǵdaıdy ýshyqtyryp, adamdardy kúsh qoldanýǵa, mańaıdaǵynyń bárin qıratýǵa, órtep-talqandaýǵa azǵyrǵan adamdardy anyqtap, áshkereledi. Al tártipsizdikke kezdeısoq qatysqan, bilmestikpen arandap qalǵan adamdardyń buzaqylarǵa qatysy joq. Olarǵa meniń bastamammen raqymshylyq jasaldy. Buǵan deıin sottalǵan 1205 adamnyń 1095-i osy raqymshylyqqa ilikti. Al jappaı tártipsizdikti uıymdastyrǵandar men lańkestik áreketi, memleketke satqyndyǵy, bılikti kúshpen basyp alýǵa tyrysqany jáne basqa da aýyr qylmys jasaǵany úshin sottalǵandar jazasyn tolyǵymen óteıtin bolady» dep birqatar mán-jaıdyń basyn ashyp berdi.
Eski júıeni kókseýshiler áli de tabylady. Olardyń kóbisi «maıly jilik» mújigender…
Halyq Prezıdentimizdiń irgeli jáne túbegeıli reformalaryn qoldap otyr. Keıinge oralýdyń jóni de reti de joq! Bul bultartpas jáne buljymas qaǵıda bolýy tıis!», dedi N.Júsip.
