Foto: Ashyq derekkóz
Onlaın-platforma zańsyz oıyn bıznesin uıymdastyrýmen qatar, myńdaǵan otandasymyzdy tartyp, tıisti lısenzııasyz býkmekerlik qyzmet kórsetken. Aqshalaı qarajat ınternet-ekvaırıng arqyly aýtentıfıkasııasyz qabyldanǵan, bul tipti kámeletke tolmaǵandarǵa da qumar oıyndarǵa qatysýǵa múmkindik beredi.
2023 jyldyń ózinde-aq onlaın-kazıno aınalymy shamamen 4 mlrd teńgeni quraǵan.
«Tergeý áli de jalǵasady. Onlaın-kazıno saıty buǵattaldy, tórt uıymdastyrýshy halyqaralyq izdeýge jarııalandy. Tárkilenýge jatatyn múlikke jáne jalpy somasy 1,5 mlrd teńge aqshalaı qarajatqa tyıym salyndy. Sondaı-aq «Mercedes-Maybach S500» jáne «Lamborghini Huracan» avtokólikteri tárkilendi. QR QPK-niń 201-babyna sáıkes budan ózge aqparat jarııa etilmeıdi», delingen habarlamada.
Qarjylyq monıtorıng agenttigi Qazaqstan Respýblıkasynyń zańnamasyna sáıkes elde onlaın-kazıno qyzmetine tyıym salynǵanyn, al býkmekerlik qyzmetter tıisti lısenzııa bolǵan jaǵdaıda ǵana kórsetiletinin eskertedi.
