Foto: Astana ákimdigi
«Arabı 2 - Granıtnyı 2», «Arystan, 4-blok», «Future home» sekildi qurylysy uzaqqa sozylǵan nysandardyń qurylys barysymen tanystym. Bul turǵyn úı keshenderiniń qurylysynyń bastalǵanyna 12 jylǵa jýyq ýaqyt boldy. Mysaly, «Arabı 2 - Granıtnyı 2» turǵyn úı kesheni 2013 jyly problemaly dep tanylǵan. Munda 200-ge jýyq otbasy baspanasyn kútip júr. «Future home» turǵyn úı kesheniniń qurylysy da 2013 jyly bastalǵan. Nysandy EQK-ge berý kezinde 4 jáne 7 qabattar ǵana salynǵan. Qurylysy uzaqqa sozylǵan nysandar boıynsha aýqymdy júıeli jumys júrgizip jatyrmyz. Osyǵan deıin memlekettiń qoldaýynyń arqasynda 16 myńnan astam úlesker otbasynyń 15,5 myńǵa jýyǵy baspanaly boldy. Uzaqqa sozylǵan 140-tan astam turǵyn úı kesheniniń qurylysy aıaqtaldy», dep jazdy J.Qasymbek.
2023 jyly qurylysy uzaqqa sozylǵan 32 turǵyn úı kesheni bolatyn. Ákimniń aıtýynsha, byltyr uzaqqa sozylǵan 22 turǵyn úı kesheniniń qurylysy aıaqtalǵan.
«Bıyl 10 úı qaldy, olardyń qurylysy osy jyldyń 1-2 toqsanynda aıaqtalady. Osylaısha, qalǵan 500-ge jýyq úlesker otbasy baspanaly bolady. Qurylysy uzaqqa sozylǵan nysandardyń qurylysy Memleket basshysynyń tikeleı baqylaýynda», delingen jazbada.
