Foto: https://www.gov.kz/
«Qaraǵandy boıynsha búgingi tańda 11 nysanda ruqsat qujattarynyń tolyq paketi joq. Degenmen, olar qurylysty bastap ketken nemese qandaı da bir jolmen jalǵastyryp jatyr. Naqtyraq aıtsaq, sot qaýlysymen «Qarqaraly» TK jáne Muqanov, 49r mekenjaıy boıynsha ornalasqan KTK, «Central Avenue» TK boıynsha qurylys-montaj jumystary toqtatyldy, qurylys salýshylar ákimshilik jaýapkershilikke tartyldy. Men áleýetti úleskerlerge eskertý jasaǵym keledi: jarnamaǵa senbeńizder. Eger kimde-kim osy nysandarǵa ınvestısııa salǵan bolsa, oılanyp, óz aqshasyn talap etken jón», dedi О́ńirlik kommýnıkasııalar qyzmetinde ótken brıfıngte Qaraǵandy oblysynyń memlekettik sáýlet-qurylys baqylaý basqarmasynyń basshysy Serjan Aımaqov.
Sonymen qatar basqarma basshysy salynyp jatqan turǵyn úı keshenderinde qujattar paketiniń bar-joǵyn tekserýdi usyndy.
