Foto: polisia.kz
Ishki ister mınıstrliginiń jedel qyzmetteri men bólinisteri jyl basynan beri 58 qylmyskerdi ustaǵan. IIM krımınaldyq polısııa departamenti bastyǵynyń orynbasary Rýslan Nazarov qylmyskerlerdiń arasynda adam óltirgen, jábirlenýshiniń densaýlyǵyna qasaqana jaraqat salǵan, alaıaqtyq faktisimen izdeýde júrgender de bar ekenin aıtty.
Aqtaý qalasynyń polısııa qyzmetkerleri kafedegi tóbeleste jábirlenýshige aýyr dene jaraqatyn salǵan kúdiktini ustady. Janjal ótken jyldyń qarasha aıynda bolǵan. О́zbekstannyń quqyq qorǵaý organdary Almaty oblysynyń krımınaldyq polısııa qyzmetkerlerimen birlesip eki adamnyń ólimine qatysy bar О́zbekstan azamatyn ustady. Ol 13 jyl buryn Eńbekshiqazaq aýdanynda zeınetkerlerdiń úıine basyp kirip, olardy óltirip aqsha urlap ketken.
«Elorda polıseıleri qostanaılyq áriptesterimen birlesip, 2020 jyly Astanadaǵy jobalyq turǵyn úı kesheninde páterlerdi ınvestısııalaý jáne brondaý syltaýymen 144 úleskerdiń aqshasyn ıemdengen JShS dırektory men quryltaıshysyn ustady. Qaskóı taǵy eki basqa JShS basshylarymen birge 4 mlrd teńgeni jymqyrǵan. Sońǵy atalǵandar da ustalyp, tergeý júrgizilip jatyr», dep jazylǵan aqparatta.
Jyl basynan beri elimizdiń krımınaldyq polısııa qyzmetkerleri habar-osharsyz ketken 30 adamdy anyqtady.
