FOTO: olympic.kz
Týrızm jáne sport mınıstrligi Sportty damytý dıreksııasynyń baspasóz qyzmeti málim etkendeı, Ulttyq qurama mergeni jyldam oq atatyn tapanshamen 25 metrden nysana kózdeýde eshkimge des bermeı chempıon atandy. Nıkıta fınalda 32 upaı jınady. Al osy synda ekinshi orynǵa Úndistan (28) sportshysy qol jetkizse, úzdik úshtikti Ońtústik Koreıa (23) sportshysy túıindedi.
Osyǵan deıin Chırıýkın irikteýde 584 upaımen 1-oryn alyp, Parıj Olımpıadasynyń lısenzııasyna qol jetkizgen. Jalpy, Indonezııa astanasyndaǵy Azııa chempıonaty 18 qańtarda aıaqtalady. Qazir Qazaqstan quramasy 1 altyn, 1 kúmis medalmen jalpy esepte 4-orynǵa kóterildi.
