Foto avtordan
«Shyǵys» áskerı óńirlik qolbasshylyǵyna qarasty 54770 áskerı bólimi jaýyngerlik daıyndyq josparyna sáıkes jas sarbazdarǵa alǵash ret jarylý jumystaryn oryndatyp synaqtan ótkizdi.
Bul jaýapty áskerı shara aldymen tájirıbeli nusqaýshylardyń jetekshiligimen, qaýipsizdik talaptaryn jetkizýmen bastalyp, ınjenerler qalashyǵynda úsh oqý núktesi boıynsha daıyndaldy. Onda jarylys jumystaryn júrgizý barysyndaǵy qaýipsizdik erejeleri, arnaıy quraldardy qoldaný men tásilderi jete túsindirildi. Sondaı-aq ottyq jáne elektr tásilderimen jarylys jumystarynyń barysy men erekshelikteri baıandaldy.
«Biz eki aı boıy kóptegen sabaqtardy teorııa túrinde oqyǵan edik. Búgin praktıkalyq turǵydan óz oryndaýymyzda júzege asyryp otyrmyz. Basynda, árıne, qobaljý boldy. Al qazir ózimdi naǵyz saper retinde sezinemin», deıdi qatardaǵy jaýynger Oraz Nurasyl.
Sarbazdar osy ýaqytqa deıin alǵan teorııalyq bilimderin osylaısha tájirıbe júzinde iske asyryp, jarý jumystaryna qyzyǵýshylyqpen jáne zor yntamen qatysty. Jarylys jumystary kezinde qaýipsizdik erejeleri qatań saqtaldy.
Aıta ketýimiz kerek, jas sarbazdardyń jaýyngerlik daıarlyǵy elimizdiń qorǵanys qabiletin odan ári arttyrýǵa baǵyttalady.
