Elorda • 15 Qańtar, 2024

Astanada segiz qurylys kompanııasy lısenzııasynan aıyryldy

210 ret

kórsetildi

1 mın

oqý úshin

2023 jyly júrgizilgen jospardan tys tekserýler aıasynda «Astana qalasynyń Qalalyq orta sapasy jáne baqylaý basqarmasy» 288 buzýshylyqty anyqtap, jol berilgen buzýshylyqtardy joıýǵa 247 nusqama berdi, dep habarlaıdy Egemen.kz elorda ákimdiginiń resmı saıtyna silteme jasap.

Aıana TOǴANBEK

Astanada segiz qurylys kompanııasy lısenzııasynan aıyryldy

Foto: kapital.kz

Sapasyz qurylys salǵany jáne qurylys-montajdaý jumysyn júrgizgeni úshin 46 uıym, al tıisinshe baqylamaǵany úshin 7 tehnıkalyq qadaǵalaý uıymy jáne 6 aı merzimmen attestatty toqtatý nemese aıyrýmen 22 tehnıkalyq qadaǵalaý sarapshysy jaýapqa tartyldy.

Astana qalasynyń ákimshilik quqyq buzýshylyq jónindegi mamandandyrylǵan aýdanaralyq sotynyń qaýlysymen ÁQBtK 312-babynyń 2-bóligi, 313-babynyń 1-bóligi boıynsha sapasyz qurylys-montajdaý jumysyn oryndaǵany jáne memlekettik normatıvterdi buza otyryp jobalyq qujattamany qabyldamaǵany úshin segiz kompanııa qurylys lısenzııasynan aıyryldy:

1. «NAK development» JShS;
2. «BazısDoStroı» JShS;
3. «KSMK-AF» JShS;
4. «DBK-Engineering» JShS;
5. «Propılon» JShS;
6. «ANA Astana» JShS;
7. «PPK» jobalaý-qurylys kompanııasy» JShS;
8. «X-clusive Qurylyus Group» JShS.